بتلاقي نوعين من الناس بهالدنيا في مطاعم البيتزا: اللي بياكلوا أطراف البيتزا، واللي بتركوها وبيقولوا “بدّي أوفّر مساحة”. ما رح نحكم، إحنا هون بس عشان نوصلك لأحسن لقمة بيتزا في عمّان!
سواء بتحبها رفيعة ومقرمشة أو سميكة وغنية، جهّز شهيّتك لأن القائمة هاي فيها الكل — من الأماكن القديمة اللي كلنا منحبها للمطاعم الجديدة اللي لازم تجربها.
مكان قديم ومحبوب بعمان، بيرفع البساطة لمستوى أنيق وهادئ بنفس الوقت. كل شي فيه معمول بعناية وبدون تعقيد، وبيعطيك أكل مريح بس مرتب زيادة شوي.
لازم تجرب: أي بيتزا خالية من الغلوتين عندهم.
زاوية دافئة بتحسها كأنها إيطاليا مصغّرة، أجواء هادية وبيتزا معمولة بالفرن الطيني. بيتزتهم بالترافل اللي نزلت جديد صارت من الأكثر طلبًا، ولقمة وحدة بتفهمك ليش الكل بحكي عنها.
لازم تجرب: الترافل الكريمية.
مش بس بيتزا… هاي بيتزا معها لمسة صيف إيطالي راقي. أجواء مرتبة وطعم بيعرف إنه هو النجم. بتحوّل أبسط وجبة لشي بحسّك إنه تجربة كاملة.
لازم تجرب: السلامي.
لو في شي اسمه “تفكير زيادة عن اللزوم”، فهو هاد المكان 😂 عجينة مخمرة لمدة ٧٢ ساعة، وكل شي فيه محسوب بدقة. أسلوب نيويورك، ونكهة بتخليك تحكي “آه الفرق بين البيزا واضح”.
لازم تجرب: البوركيني مع الترافل.
هون الموضوع خارج عن المألوف… مربعات بدل دوائر، وما في أي نية يمشوا حسب القواعد. عجينة سميكة ومقرمشة وشخصية قوية، بيتزا بتحب تلفت الانتباه غصب.
لازم تجرب: البيبروني.
اسم كيوت بس الجبنة عندهم جدية بيتزا ممتعة بالشكل والطعم بنفس الوقت، وكل لقمة فيها إحساس الراحة وكأنها حضن بس بطعم أحلى.
لازم تجرب: مكس الاجبان.
عجينة سميكة بطريقة “سيكيرد”، سيسيليّة وما بتعتذر عن حجمها. فكرة المكان “القليل يكفي”، بس الصراحة كل لقمة بتخليك تخلصها لحالك بدون ما تحس.
لازم تجرب: اي بيتزا نص بنص.
ستايل نابولي مضبوط، عجينة طرية وحواف محروقة خفيف بتخليك تعيش جو الفرن الحقيقي. مكونات بسيطة بس قوية، وبتثبت إنه الخضار ممكن يكون نجم القصة.
لازم تجرب: بيتزا الخضار .
بدون فلسفة، بدون تعقيد… بيتزا بتعمل شغلها وبس. خيار مضمون إذا بدك شي سريع، مشبع، وما يوجع الجيب.
لازم تجرب: القيصر الخاصة.
كبير بالاسم وكبير بالحجم… شرائح نيويورك قابلة للطي، وسهلة الأكل، وبنفس الوقت بتخدعك لما تقول “بس قطعة وحدة”.
لازم تجرب: البيستو مع ألفريدو
يلا بيتزا يا تيبسترز!
حبّ اللّيمور،
فريق تيب أند تاج
Recent Comments