في ناس ناس بتحجز مساج و سبا وفجأة بترجع تؤمن بالحياة من جديد. سواء مطحون من أسبوع طويل، أو من قصة “شو إحنا؟”، أو حتى من شوارع عمّان، هاي الأماكن موجودة عشان تطلع التوتر من روحك شوي شوي.

داخل فندق فيرمونت عمّان، هالمكان معروف بجلسات العناية الفخمة، المساج، العناية بالبشرة، وأجواء الراحة اللي بتحسسك إن العالم الخارجي اختفى. من أول ما تدخل، بتحس حالك داخل مود هدوء كامل.

لازم تجرب: مساج البامبو الخاص فيهم، لأنه فعلًا بخلي التوتر يختفي.

كانيو سبا مركز على جلسات المساج والاسترخاء، خصوصًا للي شايلين هموم الدنيا كلها برقبتهم. المكان هادي وبسيط، ومثالي إذا بدك تختفي من الإشعارات والحكي كم ساعة.

لازم تجرب: المساج العميق، لأنه مستوى الراحة بعده مش طبيعي.

أكوا سبا عنده جلسات عناية، تقشير للجسم، وحمام مغربي بخليك تطلع كأنك عامل إعادة تشغيل كاملة لحالك. من الأماكن اللي بتدخله متوتر وتطلع مقتنع إنك لازم تبدأ حياة جديدة.

لازم تجرب: حمام العود والعنبر لتجربة استرخاء كاملة.

هالمكان متخصص بالحمام التركي التقليدي، من البخار للتقشير والرغوة والمساج. تجربة عناية بالنفس على أصولها، وبتطلع بعدها ناعم ومرتاح بطريقة بتخليك تزعل من حمام بيتكم شوي.

لازم تجربه: باكج الحمام التركي مع مساج الرغوة.

إليكسير بجمع بين العناية والجمال بمكان واحد، من جلسات البشرة للمساج والعناية الكاملة. المكان كأنه محطة إنقاذ لأي يوم بتحس فيه إنك بحاجة “تحديث كامل”.

لازم تجربه: جلسة العناية الخاصة بالبشرة اللي بخلي شكلك مرتاح حتى لو مو نايم منيح.

ساكورا سبا بيعطيك أجواء هدوء من أول دقيقة. جلسات مستوحاة من الاسترخاء الياباني، ومكان معمول مخصوص عشان يروح التوتر شوي شوي. حتى الجو لحاله بعالج الأعصاب.

لازم تجربه: مساج الحجر الساخن الياباني لإعادة تشغيل كاملة للجسم والمخ

اشحنوا طاقتكم واسترخوا يا تيبسترز! ✨

حب الليمور

فريق تيب أند تاج💛