بصراحة، فكرة إنك تسجل حالك بحصص يوغا أو بيلاتس اشي حلو، بس وين التحدي الجد؟ إنك تلتزم وتروح. سواء كنت محترف بالهاند ستاند، جديد عالريفورمر، أو بس بتحاول تعدي وضعية الطفل بدون ما تغفى… ستوديوهات عمّان عندهم كل اشي بناسب الغالبية. دورنا لك على أحسن الأماكن لتتلوّى، تتمطط، ،تتظاهر قدام الكل إنو أوتار رجلك ما عم تصرّخ، عشان ما تحتاج تعبّر. منقدم لك دليل اليوغا والبيلاتس!

أكثر من ستوديو، نامستي زون بجمع بين اليوغا، التأمل، وتقنيات التنفّس، وكمان دورات تدريبية مع مدرّبين معتمدين. سواء لسه كنت مبتدئ أو حاب تعمّق بممارستك، نامستي زون بيخليك تنّمي حالك من جوّا وبرّا.

لازم تجرب: حصة الأيريل يوغا

من سنة 2010، هالستوديو-المتجر-المدرسة جمع بين اليوغا والعلاج بالصوت، وورشات التدريب وحتى دورات تدريب وإعداد .المدرّبين. من حصص الفينياسا لتمارين البار، ومع كريستالات وبخور على الجنب، المكان فعلياً مختص باليوغا

لازم تجرب: حصة الفينياسا يوغا

من حصص الPower Flow بالويكند لانحناءات الظهر وفتح الورك بنص الأسبوع، سَن آند سول دائماً شغّالين على موضوع تجديد الجدول وبأسلوب بناسب الكل (حتى المبتدئين!).

لازم تجرب: حصة ال Power & Strength Flow

يوغا بس عالـ Next Level!
جلسات فيها أوزان، موسيقى، وحرق عنجد بتحس فيه.
والحصص دائمًا مجددة — من حصص Mommy & Me اللطيفة، لحصص بتكون Glow-In-The-Dark، وحتى طلعات يوغا بالأماكن المختلفة من ميّة العقبة لرمل وادي رم.

لازم تجرب: حصة Mindful Movement Flow

بوتيك بس نفس الوقت بيعطيك شعور بالراحة زي كأنك بالبيت، ون وذ نيتشر بجمع بين اليوغا، البيلاتس، التمرين، وحتى حصص بالميّ! كلّه تحت سقف واحد بروح مريح ومتوازن. المدربين معتمدين، والتركيز دائماً بكون على التوازن بين الجسم والعقل والروح. ون وذ نيتشر مو يس ستوديو، هو أسلوب حياة كامل.

لازم تجرب: جلسة شفاء بالصوت

مركز راقي ومليان طاقة مريحة. اسكيب بجمع بين الريفورمر بيلاتس، اليوغا، بار، وحصص فيوجن مميزة. كل جلسة بتقودها مدرّبين معتمدين، وبركزوا على تقوية الجسم، تحسين المرونة، وراحة الذهن.

أول استوديو Lagree بعَمّان. كور لاب بيقدّم تمرينات قوية بدون ضغط على المفاصل، باستخدام أجهزة Megaformer وMicroformer. الحركات البطيئة والمتحكَّم فيها بتقوّي الجسم وتبني التحمّل، وكل شي بإشراف مدربين معتمدين.

لازم تجرب: حصة الMicroLift

ستوديو بوتيكي مخصص للسيدات فقط في دير غبار، بجمع بين بيلاتس، بار، HIIT،وتمارين التمدد، مع حصص خاصة للحوامل والمراهقات. الأجواء دائمًا حماسية، والدعم من المدربات والمجتمع بخلّي كل جلسة تطلعِك أقوى، أنشط، ومليانة طاقة بتجنن.

لازم تجرب: حصة الMat Sculpt

معتمَد من سنة 2011، ستيلا فيتنس جو بقدّم تمارين بيلاتس متكاملة بتركز على الدقة، القوة، والنحت. الحصص مناسبة للمبتدئين والمحترفين، وبتمنح الشعور بالطاقة والإنجاز بعد كل جلسة.

---

تلوّوا، نشّطوا، وتوازنوا، يا تيبسترز!

حبّ اللّيمور،

فريق تيب ن تاغ