إذا بتحب الأكل الحار، أو نفسك تعيش أجواء بوليوود بلقمة، فالمطاعم الهندية بعمان كتيرة ومش بس للناس اللي “بتستحمل سبايسي”. من البرياني للتيكا، ومن الزبدة للثوم، جمعنالك مطاعم هندية بتغطي كل المزاجات: اللي بدو يتفشخر، اللي بدو يوخذ تيكا تو غو، واللي بس جاي يطلب نان وبس. إذا بدك تكسر الروتين وتغرق بصلصة كاري محترمة، المطاعم الهندية في عمّان جاهزة تفتحلك أبوابها. بس دير بالك، الطعم قوي، والإدمان أسرع من ما تتخيل.

عالخفيف وعلى الأصول اسمه على اسم الخبز، وطعمه بخبزك بالأكل حرفيًا. أجواءه مريحة، أكله بيجي بسرعة، والسعر مناسب. البرياني عندهم سبايسي ومرتب، والماسالا فيها نكهة بتفصل.

فيه ريحة مطبخ من أول ما توصل، والمكان شكله صغير بس الطعم كبير. التيكا مشوية مظبوط، والنان سخن ولين بنفس الوقت. للناس اللي بدها أكل دافي وسبايسي، هاد بيكفي وزيادة.

اسمه غريب؟ يمكن، بس الطبخة بتطلع مفهومة. أطباقهم مليانة صوص ونكهة، والمينيو متنوع. جرب التيكا مسالا أو لحم الروغان جوش، وخبزهم بيجي نضيف وسميك.

اللي بحب البنجابي سبايسي الجامد، هاد مكانه. مش ديكور فاخر، بس الطعم فخم. تشيكن كراهي، بتر بانير، أو حتى كاري بطاطا، كلها عاملة شغلها.

اسمه لحاله بحكيلك ديكور فخم، وجو كلاسي، مناسب لدعوة أو عشاء رسمي. النكهة هندية تقليدية بس معمولة بطريقة بتناسب كل الأذواق. اطلب البرياني مع ريتا، وعيش التجربة عالآخر.

أجواءه بتجنن، والمينيو ما بيخلص. بوفيه أوقات، وأكلات متنوعة من الشمال للجنوب الهندي. تيكا، ماسالا، بانير، رز، خبز… ما رح تلحق تحكي “شبعان”.

كل شي فيه بيحكي أهلا وسهلا مكان صغير وحباب، في ناس بتحبه للطلبات الخارجية، بس حتى القعدة فيه مريحة. التيكا رولز مميزة، وسعره على قد الإيد.

هاد المكان بيعرف يوصل لك الطعم الصح. الماسالا ثقيلة، البهارات موزونة، واللحمة دايبة. هو من الأماكن اللي بترجع إلها لأنك بتعرف شو رح تاكل بالضبط.

---

صحتين وعافية!

حب الّليمور،

فريق تيب ن تاغ