عمّان ما بتهدأ، خصوصاً لما يكون الموضوع بخصّ الأكل، القهوة، ورووف توب بإطلالات تخليك تنسى حتى فواتيرك. حابب أرجيلة مع مناظر بتهبل، ماتشا منعشة و سموزيز فواكه، أو يوم كامل مع العيلة والأكل؟ جمعنالكم أجدد وأحلى الأماكن بالمدينة. أرخي الحزام شوي وتعال نغوص بالذوق.

جوهرة مخفية بعمان، لا تراس هو رووف توب على الطراز المتوسطي بيجمع أحلى نكهات المنطقة بمكان خلاب. مزيج من المطبخ المغربي، الإيطالي، والعربي، كل صحن فيه قصة طعم بتخليك تذوق العالم وانت بمكانك. خدلك أرجيلة، رشّف موكتيل أو عصير فريش، ولعشاق الكافيين في قهوة بتطرب. تجربة عشاء فوق المدينة… وما بتتنسّى.

مكان تواجده: خلدا، شارع الملك عبد الله الثاني

بلوندي بصويفية فيليج بقدّم أكل طوال اليوم بأناقة، وبوازن بين الوجبات الدسمة والصحية. وجود البار الرياضي، التراس الفخم، والعروض الحية بخليه مثالي للفطور المتأخر، الغداء، أو الجلسة مع الأصحاب.

مكان تواجده: صويفية فيليج

وين القهوة الصح؟ أكيد عند وير كوفي هاوس. من القهوة المثلجة الكريمية لماتشا و سموذيز فواكه منعشين، كل شفة رح تحسسك بالانتعاش. الجلسات المريحة والديكور الملفت رح يخلوك تنسى الوقت وتقضي أحلى ليلة مع صحابك.

مكان تواجده: بجانب سيتي مول، شارع الملك عبدالله الثاني

قريب المطار، قرية حجرة فيه كل شي—مطاعم، كافيهات، أسواق، وقوارب! المكان المناسب لتقضي يوم كامل مع العيلة (وممكن لشوية شوبينغ). أحدث وجهة للمرح والراحة بعمان!

مكان تواجده: جنب مطار الملكة علياء الدولي

دابوق فيلج عبارة عن مول مفتوح مناسب كتير للعائلات ولطلعات مع الأصحاب. أكل بيفتح النفس، شوية شوبينغ، ومكان اللعاب للأطفال—ايش في أحلى من هيك؟

مكان تواجده: شارع المواصفات والمقاييس، دابوق

---

من الأكل والمشروبات للمناظر…كلهم بستّنوا فيكم يا تِبسترز!

مع حب الليمور،

فريق تيب إن تاج