بصراحة، فكرة إنك تسجل حالك بحصص يوغا أو بيلاتس اشي حلو، بس وين التحدي الجد؟ إنك تلتزم وتروح. سواء كنت محترف بالهاند ستاند، جديد عالريفورمر، أو بس بتحاول تعدي وضعية الطفل بدون ما تغفى… ستوديوهات عمّان عندهم كل اشي بناسب الغالبية. دورنا لك على أحسن الأماكن لتتلوّى، تتمطط، ،تتظاهر قدام الكل إنو أوتار رجلك ما عم تصرّخ، عشان ما تحتاج تعبّر. منقدم لك دليل اليوغا والبيلاتس!

أكثر من ستوديو، نامستي زون بجمع بين اليوغا، التأمل، وتقنيات التنفّس، وكمان دورات تدريبية مع مدرّبين معتمدين. سواء لسه كنت مبتدئ أو حاب تعمّق بممارستك، نامستي زون بيخليك تنّمي حالك من جوّا وبرّا.

لازم تجربوا: حصة الأيريل يوغا

من سنة 2010، هالستوديو-المتجر-المدرسة جمع بين اليوغا والعلاج بالصوت، وورشات التدريب وحتى دورات تدريب وإعداد .المدرّبين. من حصص الفينياسا لتمارين البار، ومع كريستالات وبخور على الجنب، المكان فعلياً مختص باليوغا

لازم تجربوا: حصة الفينياسا يوغا

سكولبت بشوف إنه اليوغا والبيلاتس أكثر من مجرد تمارين، هي طريقة تلاقي فيها توازن، قوة، وراحة خلال يومك. غير حصص اليوغا والبيلاتس، المكان بقدم كمان باري، تمارين تنفس، وعلاج بالصوت، بأجواء مريحة بتناسب كل المستويات.

لازم تجرّب: حصة الباري.

من حصص الPower Flow بالويكند لانحناءات الظهر وفتح الورك بنص الأسبوع، سَن آند سول دائماً شغّالين على موضوع تجديد الجدول وبأسلوب بناسب الكل (حتى المبتدئين!).

لازم تجربوا: حصة الباور و السترينجثس

في أماكن بتركز على جسمك، وسولفول ستوديو كمان بهتم براحة بالك. حصص اليوغا، تمارين اليقظة الذهنية، والأجواء الهادية بتخلي المكان مثالي إذا بدك تهرب شوي من ضغط الأسبوع وتاخد وقت لنفسك.

لازم تجرّب: حصة اليوغا.

مركز راقي ومليان طاقة مريحة. اسكيب بجمع بين الريفورمر بيلاتس، اليوغا، بار، وحصص فيوجن مميزة. كل جلسة بتقودها مدرّبين معتمدين، وبركزوا على تقوية الجسم، تحسين المرونة، وراحة الذهن.

لازم تجربوا: حصة بايلاتس حامية

أول استوديو لاجري بعَمّان. كور لاب بيقدّم تمرينات قوية بدون ضغط على المفاصل، باستخدام أجهزة ميجافورمر مايكروفورمر. الحركات البطيئة والمتحكَّم فيها بتقوّي الجسم وتبني التحمّل، وكل شي بإشراف مدربين معتمدين.

لازم تجربوا: حصة المايكروليفت

إذا للبيلاتس صاحب متفوق، فهو سبرينغ. معروف بحصص اللاغري والريفورمر بيلاتس اللي بتجمع بين التمارين قليلة الضغط والنتائج القوية، وبتساعدك تبني القوة، التوازن، والثبات. غالبًا رح تحس بعضلاتك ثاني يوم… وغالبًا كمان رح تحجز الحصة اللي بعدها.

لازم تجرّب: حصة اللاغري.

---

تلوّوا، نشّطوا، وتوازنوا، يا تيبسترز!

حبّ اللّيمور،

فريق تيب ن تاغ