اعتبر هاد دليلك السريع لعطلة في العقبة… أيامها كلها شمس وبحر، وصباحك ببلش بإطلالة بحر العقبة، وبنهاية اليوم بتلاقي حالك داخل بثلاث خطط زيادة بدون ما تحس. سواء جاي تشرب، تسبح، تاكل أو تتمشى، هالقائمة رح تخلي جدولك مليان بطريقة حلوة.

مكان داخل نادي اليخوت الملكي في العقبة، بإطلالة على البحر الأحمر ومشروبات ممتازة. الخدمة هون مشهورة جدًا، والناس دايمًا بتحكي عنها. بتيجي للمنظر وبتضل لأن الوقت هون بمرق بدون ما تحس و بتفكر تطلب مشروب ثاني.

بار خفيف وعفوي، أجواؤه حلوة و مريحة. أكل ومشروبات زاكية، والليلة هون بتبلش عادي وبنهاية المطاف بتطول أكتر من المتوقع. و الحلو انهم رجعوا فتحوا بعمان بنفس الروح الهادية والليلية.

مكان كلاسيكي بالعقبة واله فرعين، واحد في واحة أيلا والثاني داخل نادي اليخوت الملكي. أجواءه بتخليك “تغلط” وتطوّل خططك قد ما القعدة هادية و حلوة، الحكي ما بوقف، والإطلالة على المارينا لحالها بتسوى كل القعدة.

بار اجتماعي مليان حياة وموسيقى وأجواء مجموعات. الليلة هون ما إلها خطة، بس “تعال وخليها تمشي”. كمان معروف إنه اول محل في الشرق الاوسط مرحب بالناس الي عندها توحد و هاد الاشي لحالو بضيف طاقة إيجابية للمكان.

بار حيوي بموسيقى حلوة وجمهور مليان طاقة. المكان مثالي للي بدهم يضلوا سهرانين ويعيشوا اجواء السهر الحلوة.

أكل بحري مع أجواء بار مريحة. القائمة كلها من البحر، طازة وبسيطة، ومناسبة إذا بدك أكل بحري بدون ما تفقد جو السهر.

مطعم إيطالي دافي ورايق، بيتزا ومكرونة بتخليك تسأل حالك كيف هيك طيبة. المكان كله كاربوهيدرات و هي بطلة القصة، وكل طبق بيختفي أسرع مما بتتوقع.

مكان بوسط العقبة بإطلالة على البحر. أجواؤه رواق و مناسب اذا بدك اشي عالسريع ، والمنظر هو اللي بيحكي أغلب القصة.

مكان يعتبر من اشهر المحلات الي بالعقبة. بسيط ومتخصص بالدجاج المشوي. سريع، مشبع، ومثالي بعد يوم طويل عالبحر.

مطعم إيطالي راقي، يقدم معكرونة وبيتزا وأكل بحري بجو أنيق. خيار ممتاز إذا بدك عشاء مرتب وإطلالة حلوة.

من أقدم وأشهر مطاعم السمك بالعقبة. السمك عندهم طازة وطريقة التحضير بسيطة وأصيلة، زي ما لازم يكون.

مطعم ياباني حديث، بقدم سوشي وأكل آسيوي خفيف وطازة. كل شي فيه مرتب، نظيف، وبسيط بطريقة بتخليك تحبه من أول لقمة.

مطعم ولاونج بنفس الوقت، أكل عالمي وجو هادي للسهر أو العشاء. مناسب إذا بدك قعدة مريحة بدون ضغط.

مكان كامل فيه مسابح، مطاعم، وأنشطة مائية. يوم كامل ممكن تقضيه هون بدون ما تفكر وين تروح بعده، كل شي جاهز.

أجواء حلوة مع موسيقى وجلسات بحر مباشرة.و كمان في عندهم بركة للي ما بحب البحر. النهار رايق وبالليل بصير اجتماعي أكتر.

بمنطقة تالا باي، أجواء أهدى ومرتبة، مثالي ليوم “ما بدنا نعمل شي غير نسترخي”.

مكان جديد ونظيف، تصميمه بسيط ومريح. مناسب لتبديل بين البحر والراحة بدون تعقيد.

مكان شاطئي بستايل بوهيمي، أجواءه حلوة وهادية، وكل الناس اللي فيه جايين يستمتعوا بالوقت بدون استعجال. المكان كله إحساس أكثر من كونه بس جلسة.

شاطئ العقبة العام بمياه صافية وشعاب مرجانية. مناسب للسباحة والغطس إذا بدك طبيعة بدون تنظيمات أو تكلف.

أقدم كنيسة مبنية لهدف ديني بتاريخ العالم، من القرن الثالث الميلادي. مكان هادي وصغير بس إله قيمة تاريخية كبيرة.

مسجد مميز بتصميمه الأبيض وتفاصيله الجميلة، قريب من وسط المدينة. معلم واضح بالعقبة.

حصن تاريخي مرتبط بالثورة العربية، موقعه على البحر بيعطيه جو خاص بين الماضي والحاضر.

موقع غوص فيه دبابة عسكرية تحت البحر. تجربة مختلفة ومميزة للغواصين ومحبي المغامرة.

مدينة ألعاب مائية في العقبة و فيها زحاليق ومسابح وأنشطة لكل الأعمار. مثالية للعائلات أو يوم مليان حركة.

شركة مغامرات بتقدم غوص وسنوركلينغ ورحلات بحرية بالاضافة لرحلات بقيز بالصحراء. خيار ممتاز إذا بدك تستكشف بشكل أعمق.

---

🏖️🔥؟يلا عقبة يا تيبستيرز

مع حب الليمور،

فريق تيب أند تاج