حرّ الصيف بالأردن مخلّيك تذوب؟ وإحنا كمان. الحل؟ مسابح… وكثير مسابح. من قعدات روف بعمان، لجلسات تعويم بالبحر الميت، جمعنالك أحلى الأماكن اللي تسبح فيها، تتشمّس، وتعيش جو الإجازة حتى لو ليوم واحد بس. يلا نغطس 

السعر: من الأحد للأربعاء ٥٠ دينار دخول | ٦٠ دينار مع وجبة
أوقات الدوام: ٨:٠٠ صباحًا – ٧:٠٠ مساءً
ملاحظة: اتصل قبلها للتأكد من التوفر + الأطفال تحت ٦ سنوات مجانًا

إذا يوم المسبح المثالي بالنسبة إلك فيه فخامة، هدوء، وتمثيل إنك مشغول لدرجة ما ترد عالرسائل، فيرمونت مستنيك. المسبح الخارجي بالطابق الثالث بيعطي طاقة “الشخصية الرئيسية”، خصوصًا إذا أخذت الدخول مع الوجبة لأنه العصير والبطاطا المقلية جزء من التوازن النفسي بالصيف.

السعر: الكبار ٢٥ دينار | الأطفال ١٥ دينار
أوقات الدوام: ٩:٠٠ صباحًا – ٦:٠٠ مساءً

هذا المكان لعشاق أيام المسبح الكلاسيكية. مسبح خارجي موسمي مناسب لشوية سباحة خفيفة قبل الغدا، أو قعدة مطوّلة على الكرسي بدون أي شعور بالذنب.

السعر: أيام الأسبوع ٤٠ للكبار – ٢٠ للأطفال | الويكند والعطل ٤٥ للكبار – ٢٥ للأطفال
أوقات الدوام: ٩:٠٠ صباحًا – ٦:٠٠ مساءً

هون بتحس حالك بمنتجع بنص عمّان. مسبح خارجي هادي، جلسات مريحة، سناك خفيف، ومود استرخاء كامل. وفي كمان مسبح داخلي إذا بدك تهرب من الشمس شوي.

السعر: أيام الأسبوع ٣٠ للكبار – ١٥ للأطفال | الويكند والعطل ٤٠ للكبار – ٢٠ للأطفال
أوقات الدوام: ٩:٠٠ صباحًا – ٦:٠٠ مساءً
ملاحظة: الأطفال تحت ٦ سنوات مجانًا

من أول الأماكن اللي عملت ثقافة المسبح الصيفي بعمان، ولسه محافظ على جوه الهادي والمريح. المكان بسيط، مرتب، ومثالي ليوم صيف خفيف بدون تعقيد.

السعر: أيام الأسبوع ٢٥ دينار | الويكند والعطل ٣٠ دينار
أوقات الدوام: ٦:٠٠ صباحًا – ١٠:٠٠ مساءً

مكان هادي بالنص بين زحمة المدينة. مسبح جراند حياة بيعطيك إحساس استراحة صغيرة بنص الأسبوع، مناسب للسباحة، القعدة، أو حتى تجاهل كل مسؤولياتك كم ساعة.

السعر: أيام الأسبوع ٤٠ دينار | الويكند والعطل ٥٠ دينار | الأطفال تحت ١٢ سنة ٢٥ دينار
أوقات الدوام:
المسبح الخارجي: ٩:٠٠ صباحًا – ٦:٠٠ مساءً
المسبح الداخلي والساونا والجيم: ٦:٠٠ صباحًا – ١٠:٣٠ مساءً

فيه أكبر مسبح فندقي بالمدينة، وشيراتون واضح جدًا إنه ما بمزح بموضوع السباحة. مسبح شبه أولمبي مناسب للسباحة والقعدات، ومعاه أكل ومشروبات عند المسبح وقسم خاص للأطفال كمان.

السعر: ٢٥ دينار دخول
أوقات الدوام: ١٠:٠٠ صباحًا – ٥:٣٠ مساءً
ملاحظة: للبنات فقط + الحجز مطلوب

هذا المكان للبنات اللي بدهم يوم مسبح هادي بدون حدا يعمل قفزة جنب القهوة المثلجة كل خمس دقايق. الجو مريح، خاص، ومثالي للدردشة وإعادة وضع واقي الشمس كل شوي.

السعر: يوميًا ٤٥ للكبار – الأطفال من ٥ لـ١٠ سنوات ٢٥ | بالعطل ٦٠ للكبار – الأطفال ٣٠
أوقات الدوام: ٩:٠٠ صباحًا – ٦:٠٠ مساءً
ملاحظة: السعر شامل بوفيه غدا من ١ للـ٣ + الأطفال تحت ٥ سنوات مجانًا

حوّل طلعتك للبحر الميت لحفلة مسبح كاملة. أكثر من مسبح، جلسات على البحر، دي جي، وأجواء صيفية من الآخر.

السعر: أيام الأسبوع ٧٠ دينار – الأطفال من ٦ لـ١٢ سنة ٣٥ | العيد ١٢٠ دينار
أوقات الدوام: ١٠:٠٠ صباحًا – ٧:٠٠ مساءً
ملاحظة: السعر شامل الغدا + الأطفال تحت ٦ سنوات مجانًا + اتصل للتأكد من التوفر

إطلالة مباشرة على البحر الميت، وأكثر من مسبح بينهم مسابح إنفينيتي ومسبح عائلي. المكان كله معمول للراحة والفخامة الهادية.

السعر: ٥٠ دينار للكبار | ٧٥ مع غدا | الأطفال من ٦ لـ١٢ سنة ٢٥ مع الغدا
أوقات الدوام: ٩:٠٠ صباحًا – ٧:٠٠ مساءً
ملاحظة: الأطفال تحت ٦ سنوات مجانًا + اتصل للتأكد من التوفر

مسابح متدرجة مع إطلالة على البحر، ومناطق للكبار والأطفال، وحتى مسبح داخلي مع جاكوزي. بصراحة تقدر تقضي اليوم كله هون بسهولة.

السعر: من الأحد للأربعاء ٣٥ دينار – ٤٥ مع وجبة | من الخميس للسبت ٤٥ دينار – ٥٥ مع وجبة
أوقات الدوام: ٨:٠٠ صباحًا – ٧:٠٠ مساءً
ملاحظة: اتصل قبلها للتأكد من التوفر

إذا بدك مسبح وبحر بنفس الوقت، هذا مكانك. مسبح على شكل لاجون، شاطئ خاص، جلسات مرتبة، وأجواء عقبة صيفية على أصولها.

السعر: ٣٥ دينار للكبار | الأطفال تحت ٥ سنوات مجانًا
أوقات الدوام: ٩:٠٠ صباحًا – ٧:٠٠ مساءً

يوم المسبح هون كله هدوء وفخامة نظيفة. المكان واسع ومريح، وحتى وضع واقي الشمس بتحسه مشهد سينمائي شوي.

السعر: أيام الأسبوع ٣٠ للكبار – ١٥ للأطفال | الويكند والعطل ٤٥ للكبار – ٢٥ للأطفال
أوقات الدوام: ١٢:٠٠ ظهرًا – ٧:٠٠ مساءً

هذا مش بس مسبح… هذا مود كامل. ماما جايا داخل مشروع أيلا، فيه بحر، مسبح، أكل، وإطلالة تخليك تنسى الوقت. وإذا طولت لليل، الأجواء بتكمل مع الموسيقى والسهرة.

---

ولا تنسوا واقي الشمس يا تيبسترز

حب الليمور

فريق تيب أند تاج