بتلاقي نوعين من الناس بهالدنيا في مطاعم البيتزا: اللي بياكلوا أطراف البيتزا، واللي بتركوها وبيقولوا “بدّي أوفّر مساحة”. ما رح نحكم، إحنا هون بس عشان نوصلك لأحسن لقمة بيتزا في عمّان!
سواء بتحبها رفيعة ومقرمشة أو سميكة وغنية، جهّز شهيّتك لأن القائمة هاي فيها الكل — من الأماكن القديمة اللي كلنا منحبها للمطاعم الجديدة اللي لازم تجربها.
بيتزا بجانب هدوء اللويبدة! من ازكى مطاعم بيتزا. المكان دافئ، المطبخ مفتوح، والبيتزا بتتخبز على الحطب قدامك. الأجواء بتجنن، والأكل مضمون. بس جهّز الكاميرا، لأنك أكيد رح تصوّر قبل ما تاكل!
من أوائل مطاعم البيتزا بعمان. بلّش صغير وصار اسم معروف! العجينة مظبوطة، المكونات بسيطة، وسحبة الجبنة؟
أسطورية. سواء أكلت عندهم أو طلبت عالبيت، الطعم دايمًا ممتاز.
أخوين قرروا يدوروا على الشريحة المثالية، وفعليًا لقوها و صارو من اكبر مطاعم بيتزا في عمان! العجينة بتتخمّر ٧٢ ساعة، وفيك تختار من ثلاث أنواع أطراف. نكهة نيويورك، بروح عمّانية — كل بيتزا إلها حكاية.
نصها برنش ونصها عشا إيطالي فخم. جايا مو بس بيتزا، تجربة كاملة. تخيّل تشرب ابيرول سبريتز بين الزرع وتأكل مارغريتا خرافية! بتطلع من هناك وانت مفكر فيها لأيام.
بيتزا ساور دو، سيسيليان، ومربّعة! حجم واحد (30×30 سم) بس طعمها بيكفي الكل. بيتزا بسيطة وغنية بنفس الوقت — و .مثالية للمشاركة… إذا بتحب تشارك أصلاً
شكل مربّع، نكهات مجنونة، وتوبينغز غير شكل. بيتزا سكويرد عامل البيتزا بطريقته الخاصة، والنتيجة؟ بتحسها جزء من شخصيتك. لقمة وحدة وبتفهم ليش الكل بيحكي عنها.
باشي بيتزا بيقدم بيتزا نابوليتانية على الحطب، العجينة طرية ومطاطية، والخيارات النباتية كثيرة. الكل بيحكي إن العجينة لحالها بتستاهل المشوار.
ستايل نيويورك، بدون ما تطلع من عمّان! بيتزا مقرمشة، قابلة للطيّ، وسريعة للأكل. سواء أخدت شريحة عالسريع أو طلبت صندوق كامل، هاي البيتزا لعشاقها الحقيقيين.
للي بحبوا البيتزا الفخمة — بوراتا، ترفل، وحتى دهب عالسلطة! الأجواء أنيقة، والطعام خرافي. مستحيل تطلع وفيه شي فاضل بالطبق.
أجواء إيطالية دافئة بكل لقمة. شرائح مليانة جبنة، وأكلات دايمًا بنفس الجودة. خيار مضمون لعشا بيتزا مع أصحابك.
عجينة مقرمشة، جبنة مطّاطة، وطعم يخليك تحكي “بدي أكل هيك كل يوم”. دبل بي بيتزا بتشبّع وتريح، وخدمتهم زي اللقمة: تمام!
يلا بيتزا يا تيبسترز!
حبّ اللّيمور،
فريق تيب ن تاغ
Recent Comments