وادي رم مش بس منظر حلو… هو تجربة كاملة. والمكان اللي بتختاره للإقامة ممكن يرفع الرحلة لمستوى ثاني تمامًا. سواء بدك قباب فخمة بإطلالات بانورامية، أو خيم بسيطة تحت النجوم بلمسة بدوية، أكيد في مخيم بوادي رم بزبط على مودك.

جمعنالك هون أفضل المخيمات، وكل واحد فيهم إله جوه الخاص، شخصيته، ونصيحة صغيرة تخلي رحلتك الصحراوية أحلى.

من الخيم البدوية الكلاسيكية للقباب “المريخية” المشهورة عندهم، صن سيتي بيعطيك تجربة فخامة بالصحراء على أصولها. الإطلالات خرافية، والأجواء كأنها طالعة من فيلم خيال علمي، وفوق هاد كله عندهم حاليًا خصم ٪٣٠

نصيحة: لا تفوّت جولة الجيب وقت الغروب، بتنتهي بوقتها مع عشاء الزرب وعروض موسيقى حوالين النار.

مخبّى بقلب المنطقة المحمية بوادي رم، قمرة إيكو كامب هادي، دافي، وبعيد عن ضجة الدنيا. بيوت طينية، لمبات خافتة، وهدوء بخليك تنسى تلفونك أصلًا.

نصيحة: احجز سيارة الدفع الرباعي قبلها بوقت، لأنه الطريق للمخيم كله داخل الصحراء… وبستاهل كل دقيقة.

الغرف هون عبارة عن فقاعات شفافة ضخمة معمولة لعشاق النجوم. بين الإطلالات البانورامية والجاكوزي الخاص تحت السما، الإقامة هون ممكن تخلّيك تبطل تحب الفنادق العادية.

نصيحة: اصحى قبل الشروق ولو مرة… منظر الصحراء وهي بتنوّر شوي شوي من السرير لحاله تجربة.

لا يضحك عليك شكل المخيم الخارجي البسيط، لأنه من جوا راحة وفخامة على الآخر. أسرّة مريحة، فوانيس دافية، مسبح، وإطلالات ما بتنتهي على جبال الرمل.

نصيحة: السباحة بالنص بين الجبال الرملية بالصحراء تجربة بتحسها مش حقيقية بأحلى طريقة ممكنة.

مزاين ماسك روح وادي رم الأصلية صح، من الضيافة البدوية للرمل الأحمر بكل مكان. المكان مريح وبيرحب بالكل، سواء هاي أول مرة إلك بالصحراء أو عاشر مرة.

نصيحة: جرّب جولة الجمال وقت الشروق… هدوء وأجواء ما بتتكرر.

صبحيات صحراوية هادية، سهرات نار دافية، وسكوت وادي رم اللي كأنه بعمل إعادة تشغيل للمخ. المخيم بجمع بين الجو البدوي الأصيل والخيم المريحة، سواء جاي للمغامرة أو بس بدك تهرب شوي من الدنيا.

نصيحة: لا تترك جولة الجيب وقت الغروب إذا بدك صورك تطلع كأنها من فيلم.

فالي ريزورت بيعطيك تجربة صحراوية أهدى وأفخم شوي، مع إقامة مرتبة وإطلالات مفتوحة على وادي رم. مكان بخليك تهدى وتطوّل قعدتك بدون ما تحس.نصيحة: ابدأ صباحك بقهوة برا… شروق الشمس بالصحراء إله جو ثاني تمامًا

---

✨🏛️!خليكم فضوليين يا تيبسترز

حبّ اللّيمور،

فريق تيب ن تاغ