إذا سمعت صوت قرمشة من بعيد، في احتمال كبير إنه في حدا فاتح وجبة بروستد ثقيلة.
بعمّان، مطاعم البروستد كتار، بس مش الكل بلعبها صح. بهالدليل، جمعنالك أفضل مطاعم البروستد، كل واحد اله نمطه الخاص وكل احد فيهم يستحق التجربة!

ثابت بالجودة والطعم، مستحيل يخذلك. الساندويش طري ومقرمش بنفس الوقت، وكومبو الدجاج رح يسحرك من قد ما هو مليء بالنكهات الخيالية! اذا ما جرّبت رايز، شو بتستنى؟

الاسم مش صدفة – فعليًا كريسبي على الآخر. كريسبي تشيكن معروف واله شعبيته، ولسبب منطقي. يعني ببساطة: إذا بدك تشرح لحدا من برا شو يعني “بروستد”، بلّش بكريسبي تشيكن.

دجاج متبل صح، مقلي صح، وكل لقمة بتقولك “اطلبني كمان مرة”. تشيكانو خطير لدرجة ممكن تلاقي حالك بتصرف عليه أكتر من فواتيرك… وما رح تندم.

بتحس الطباخ بيغمس الدجاج بالذهب! الطعم بسيط ومريح، والبهارات رح يعملوا فيك عمايل… المحل مثالي لوجبة سريعة ولذيذة، خصوصًا لو الميزانية محدودة.

سبايسي على أصوله – ما بتدلّع! كل لقمة فيها نكهة ما بتنتسى والخبز الطري بنسّيك كل همومك. لعشاق التحدي والطعم القوي.

جو أمريكي، بس بعمان. قطع ضخمة، صوصات ولا أزكى، خاصةً الباربكيو المدخن. مناسب للناس اللي بتحب طابع الوجبات السريعة الأصيلة.

سريع… بس مش أي كلام. بروستد خفيف عالقلب وثقيل بالطعم. الساندويش بسيط، بشهّي، وبيشبع بدون فلسفة زايدة. البروستد على أصوله.

كرنشي لدرجة انك رح تفكر حالك فتحت كيس شبس بطعمة الدجاج. طعم مميز مختلف عن غيره، وفيه سناكات جانبية رهيبة.

ستايل حديث وطعم جديد. مثالي للناس اللي بتحب توثق كل لقمة على الإنستغرام. نكهات مش تقليدية، وتجربة مختلفة عن أي محل ثاني.

بروستد كلاسيكي نظيف. دجاج طري من جوا ومقرمش من برا، ونكهة بتذكرك ليش وقعت بغرام البروستد من الأساس. سهل، واضح، وطيب.

---

صحتين عقلوبكم!

حب اللّيمور،

فريق تيب ن تاغ