في ناس بتبلّش يومها برياضة. والباقي منا ببلّشه بالبحث اليائس عن قهوة قبل ما يضطر يحكي مع أي بني آدم. لحسن الحظ، هاي الأماكن فاهمة إنه الحصول على الكافيين ما لازم يتطلب تدور على صفّة، تنزل من السيارة، أو تاخذ أي قرار مصيري قبل الساعة ٩ الصبح.

في درايف ثرو بيعطيك قهوة… وفي درايف ثرو بيعطيك قهوة ويخلّيك تحس إن أمورك كلها تحت السيطرة. بتوقف تاخذ جرعتك اليومية من الكافيين، وبتطلع حاسس حالك أهدى وأرتب شخص بالإشارة.

لازم تجربوا: السبانيش لاتيه البارد، كل مرة بشهي

لما تكون مستعجل، وعندك مليون مشوار، وآخر إشي نفسك فيه تدور على صفّة، العميد دايمًا موجود. سريع، مألوف، ومن الأماكن اللي بتثبت إنه الكلاسيكيات إلها مكانها مهما مر الوقت.

لازم تجربوا: القهوة التركية مع رولات قرفة بالبيكان؟ كلاسيك ما بتغير

 معمول للأيام اللي بتصحى فيها متأخر وبتحاول تلحق يومك. اطلب قهوتك وكمل طريقك وأنت عامل حالك بطل إعلان قهوة الصبح.

لازم تجربوا: جربوا الفلات وايت، متوازن ولذيذ

السيارة بتضلها ماشية، بس ذوقك بأخذ لفة سريعة على إيطاليا. من الأماكن اللي بتحوّل زحمة الطريق من “معلق بالسير” لـ “عايش أجواء إيطالية على الطريق”.

لازم تجربوا: خذوا مع القهوة قطعة تيراميسو، موود

 درايف ثرو بأجواء دافية ومريحة، مع إنه منطقيًا المفروض هالإشي ما يزبط. مناسب للأيام اللي بدك فيها قهوة، شوية راحة بال، وتذكير بسيط إنه الأمور كلها رح تمشي.

لازم تجربوا: جربوا القهوة المثلجة مع نكهة البندق، منعشة

في ناس بتعرف اختصارات الطرق، ومعروف بعرف القهوة. خبرة سنين طويلة بالتحميص مع سهولة الدرايف ثرو، وهاي معادلة صعب تخيب.

لازم تجربوا: اسأل عن خلطة اليوم، مرات في مفاجآت محرزة

في درايف ثرو بوصلّك من نقطة أ لنقطة ب… وفي سيغافريدو بوصلّك وإنت صاحي، مروق، وحاسس حالك ماخذ لفة سريعة بأوروبا قبل الدوام. مكان بيعرف كيف يحوّل مشوار القهوة العادي لجزء لطيف من يومك.

لازم تجرّب: الآيسد كراميل ماكياتو. طعم بخليك تفهم ليش الناس بترجعله مرة ورا مرة. ☕✨

---

من فنجاننا لفنجانكم يا تيبسترز!

حبّ اللّيمور،

فريق تيب ن تاغ