المشاوي مش بس أكلة… هي قعدة كاملة. بتبلش بـ “يلا نطلب مشكل”، وبتنتهي بطاولة بتكفي حارة كاملة. الفحمشغّال،الخبز ما بخلص، وفجأة كل واحد على الطاولة بصير خبير شوي.

إذا ريحة المشاوي بتخليك تغيّر طريقك، فأنت بالمكان الصح. جمعنالك أماكن أتقنت شغل المشاوي، لقمة ورا لقمة.

لما حدا يحكي: “المشاوي زمان كان إلها طعم”، غالبًا بحكي عن عمّان الكبرى. مشهور بلحمه البلدي ومشاويه المشوية على الفحم بإتقان، ومن سنين وهو من أول الخيارات للعائلات وعشاق المشاوي. في أشياء بتضل ناجحة مهما مرّ عليها وقت.

إذا بتحب المشاوي بلمسة أرقى، برج الحمام بيعرف يزبطها. لحوم ممتازة، شوي على الأصول، ووصفات لبنانية كلاسيكية بتطلع بطبق مرتب بكل التفاصيل. سواء مناسبة خاصة أو نفسك بمشاوي مرتبة، هون بتلاقي اللي بدك ياه.

الاسم لحاله برفع سقف التوقعات، ولحسن الحظ المشاوي بتوفي فيها. كباب، شيش طاووق، ومشاوي مشكلة بتنزل سخنة وطازجة من على الفحم، وكل لقمة أحسن من اللي قبلها. والمشكلة الوحيدة؟ مين رح ياخذ آخر سيخ.

هون إنت اللي بتختار شو بينشوى. بتختار قطعة اللحمة اللي بدك ياها، وبعدها بتنشوى قدامك على الطلب، فبتضمن طزاجة وطعم ما عليه حكي. تجربة مختلفة لعشاق المشاوي.

ليفانت بقدّم بطريقة إلها طابعها الخاص. اللحمة المشوية بتوصل مع تشكيلة من الأطباق الشامية والمقبلات، وبتصير كل لقمة بدها قطعة خبز سخنة معها. قعدة بتجمع النكهة والأجواء الحلوة.

الفحم شغّال من أول النهار، والمشاوي طالعة ورا بعض. أم خليل اللبناني معروف بالمشاوي اللبنانية والمقبلات اللي بتخليك تحكي “خلص شبعت”… وبعدها تكمل أكل عادي.

في أماكن أول ما تشتهي مشاوي بتخطر ببالك، وأنيس زهدة واحد منهم. من سنين وهو محافظ على نفس الطعم والطريقة اللي خلت اسمه معروف بكل عمّان. بدون تعقيد، بدون تغيير… بس مشاوي مزبوطة على الأصول.

---

ناولوا السيخ… وخلي الفحم يكمل شغله! 🍢

حب الّليمور،

فريق تيب ن تاج