الأطفال إلهم حالتين بس: يا نايمين، يا بتسلقوا إشي المفروض ما يتسلقوه أصلًا. سواء عندك فنان صغير، أو عالم بالمستقبل، أو إعصار ما بيهدى، أو مستكشف صغير بسأل “ليش؟” كل خمس دقايق، الأردن مليان أنشطة للأطفال بتخليهم مستمتعين، بتعلموا، ومشغولين بشي مفيد. من مغامرات داخلية وورش إبداعية، لتسلق واكتشاف وتجارب عملية، هاي الأماكن رح تكسبك نقاط إضافية عند أولادك.

إذا طاقة أولادك ما بتخلص، جيجلز لاند جاهز إلهم. المكان مليان مناطق لعب ملونة، زحاليق، مناطق تسلق، وأنشطة مناسبة لأعمار مختلفة، فكل طفل بلاقي إشي يناسبه. من الأماكن اللي بتفكر إنك رايح ساعة، وفجأة تلاقي نص النهار راح بدون ما تسمع “زهقت.

مون بيردز مكان بخلي الخيال يشتغل على أصوله. المساحات مصممة عشان الأطفال يلعبوا، يكتشفوا، ويبنوّا صداقات بطريقة ممتعة ومريحة. هون وقت الشاشات بخف، ووقت الإبداع بزيد.

إذا بدك تبدّل التابلت بشوية تراب ونباتات، هذا المكان إلكم. الأطفال بتعرفوا على الزراعة والطبيعة من خلال أنشطة عملية وتجارب ممتعة بتخليهم يوسخوا إيديهم وينبسطوا بنفس الوقت. مكان بعلّمهم كيف الأشياء الصغيرة بتكبر مع شوية اهتمام.

كيدوز بحوّل اللعب اليومي لمغامرة كاملة. الأطفال بقدروا ينطوا، يتسلقوا، يبدعوا، ويطلعوا طاقتهم كلها بأنشطة مناسبة لأعمار مختلفة. مكان بجمع اللعب، الإبداع، والضحك تحت سقف واحد.

الاسم لحاله بيعطيك فكرة عن الأجواء. المكان مليان مناطق لعب آمنة، تسلق، ومساحات تفاعلية بتخلي الأطفال يستكشفوا ويتحركوا بحرية. أقرب إشي لمغامرة بالأدغال بدون ما تحتاج بخاخ حشرات.

بلاك آيرس فارم أكثر من مجرد مكان لعب. الأطفال بقدروا يتفاعلوا مع الحيوانات ويشاركوا بأنشطة متنوعة، بينما الكبار بستمتعوا بقعدة مريحة وأجواء عائلية. من الأماكن اللي فعلاً بتناسب كل أفراد العيلة.

للأطفال اللي خيالهم واسع وطموحاتهم أكبر، غالاكسي بارك مليان مغامرات. الألعاب والأنشطة مناسبة لفئات عمرية مختلفة، فالصغار والكبار شوي بلاقي كل واحد فيهم إشي يحبه. زيارة وحدة وبتحسهم صاروا بمهمة فضائية.

في أماكن اسمها كبير، وفي أماكن بتستاهل الاسم فعلًا. وورلد أوف وندرز مليان أنشطة ترفيهية وتعليمية بتشجع الأطفال على الاكتشاف والتجربة. كل زاوية فيه فيها مفاجأة جديدة.

من الأماكن النادرة اللي التعليم والمتعة فيها ماشيين مع بعض. المركز بقدم ورش، برامج تعليمية، أنشطة ثقافية وترفيهية لمختلف الأعمار. الأطفال بطلعوا مبسوطين، والأهالي بطلعوا مبسوطين أكتر.

هون القراءة بتصير مغامرة. من جلسات قراءة القصص للورش والأنشطة التفاعلية، الأطفال بكتشفوا عالم الكتب بطريقة ممتعة ومختلفة. مكان بفتح باب الفضول والإبداع على مصراعيه.

المكان الوحيد اللي لمس كل إشي فيه مش ممنوع. المعروضات التفاعلية بتخلي الأطفال يتعلموا من خلال التجربة والاستكشاف واللعب العملي. كل زيارة فرصة جديدة للتعلم بطريقة ممتعة.

هون المتعة بتوصل لمستويات أعلى… حرفيًا. جدران التسلق مناسبة للمبتدئين والمحترفين، للأطفال والكبار، فكل شخص بقدر يتحدى نفسه بطريقته. ومع كل جدار جديد، بتكبر الثقة بالنفس شوي زيادة.

---

خلّوهم يطلعوا طاقتهم يا تيبستيرز! 😄⚡

حب الليمور،

فريق تيب إن تاغ 💛