عمّان ما بتمزح بالاراجيل وهاد دليل المدينة لكل عشّاق الشيشة اللي بدهم الخلطة الصح: جو، طعم و قعدة

 فيها راحة وحكي ونميمة بلا نهاية. سواء بدك غروب يشرح القلب، زاوية دافية، أو لحظة فجائية من نوع “يلا نروح؟”، جمعنالك أماكن عمّان المفضّلة.

إذا بتحب قعدتك مع كنبات مريحة، إضاءة خافتة, وستايل مودرن نضيف — لومي هو ملاذك. مكان الفحم فيه بيتبدّل لحاله بدون ما تطلب، والنكهات فعلًا بطعمها الحقيقي. كل شي فيه مرتب: نظيف، مهوّى، مريح، ومثالي للقعدات الطويلة.

نصيحة: مع شِلّة؟ خُد القعدة الزاوية، بتزبط للسهرات

تعريف اللاونج الراقي الصح. حركة بدون دوشة، أناقة بدون تكلف، والشيشة دايمًا فريش مش “تموت” بنص السالفة. بين الإطلالة والجو المشحون طاقة، فجأة بتكتشف إنك قاعد من ساعات ومش فارقة معك.

نصيحة: اقعد جنب الشبابيك لأحلى هوا وإطلالة ليلية.

في كافيهات بتحاول كثير… نملية لا. إضاءة دافية، خشب، مرطبانات قديمة، بتحس حالك ببيت تيتا — لو تيتا عندها شيشة خرافية وبلاي ليست ترندي. قديم, بسيط، ومريح بطريقة حلوة. الناس رايقة، الخدمة لطيفة، والجو ولا غلطة.

نصيحة: روح أول المساء لأحلى فايب.

الكلاسيك الكلاسيك. طلاب، موظفين، سهرانين، ونص عمّان تقريبًا بيمروا عليه أسبوعيًا. شيشة بلا تعقيد، شاي مظبوط، وجو بيصرخ “نحكي بكل شي لساعات”.

نصيحة: أيام الأسبوع أحسن عشان تبعد عن زحمة الويك إند

المقر الرسمي لعشّاق الغروب والشيشة بعمّان. مثالي للغولدن آور، والجو بتحوّل بسلاسة من رومانسي لدافي ورايق مع الليل. الشيشة ناعمة، المنظر ولا أروع، وكأنك عايش ريل بفِلتر ناعم.

نصيحة: وصل قبل الغروب بـ 30–45 دقيقة إذا بدك قعدة برا

لما بدك أناقة ومعها دخان فواكه. كرم بيروت بيمزج الروح اللبنانية مع شيشة مضمونة ومزّة من أحسن ما يكون. ثابت، مرتب، ومثالي لقعدة طويلة مع أصحابك أو العيلة.

نصيحة: ممتاز للمناسبات والسهرات الطويلة — الخدمة بتضل عالية

دالي من المفضّلين بعمّان لسبب واضح: فني، دافي، ومليان شخصيات. جرّب الشيشة واستمتع بالفايب العصري، وغالبًا بصير مكانك المفضّل. جمهور متنوّع: مصممين، مفكّرين، طلاب، وناس بكتبوا كابتشنز كأنها أدب.

نصيحة: أهدى وأحلى بأيام الأسبوع

جبران بحوّل الأكل الشامي لتجربة كاملة: ديكور جميل، إضاءة ناعمة، وخدمة مرتّبة. الشيشة زاكية جدًا، ومثالي لسهرات راقية بدون رسمية زايدة.

نصيحة: خد معك ناس بتقدّر الجو — المكان مليان مود

من الأماكن اللي بتحسها ذكرى. كلاسيك، بسيط، ومبني حوالين… المنظر. مناسب لقعدات هادية، حكي طويل، وإطلالة عمّان اللي دايمًا إلها هيبة.

نصيحة: اختار ليلة صافية — المنظر نص التجربة

---

إنت ليمون و نعنع ولا تفاحتين يا تيبستر؟ 🍋🍏

,حب الليمور
فريق تيب اند تاج 🐒💛