سواء كنت حاب تفطر براحة يوم جمعة، تغيّر جو بوسط الأسبوع، أو تلحق أصحابك بويكند هادي، عمّان مليانة خيارات برنش بتناسب كل مود.
من ستيك هاوس أنيق، لهروب بحديقة خضراء، جمعنالك هون أبرز أماكن البرنش في المدينة — كل مكان بتميّز بجو خاص، أطباق لازم تتجرب، ولمسة بتخليه يعلق بالبال.

برنش السبت عند مايورا كأنه الصديق الكول…ستايل، خفيف دم، وصورته دايمًا حلوة. منيو البرنش عندهم فيه نكهات مبتكرة ومليانة طعم، خصوصًا مع مشروب الروزماري اللي حرفيًا بطعم بداية ويكند جديد.

لازم تجرب: ناشوز البوكي لأنه فعلاً تجربة بتجمع بين الطعم والشكل بطريقة مدروسة.

بلو فيغ فاتح منيوه طول اليوم، يعني البرنش عندهم ما إله وقت محدد. المكان فيه جو فني دافي وقعدات مريحة، مثالي لقعدات طويلة مع أكل مريح للنفس.

لازم تجرب: فطائر الكوسا لأنها خفيفة بس مفاجئة بطعمها.

كرمز هو البرنش اللي بصير يوم كامل بدون ما تحس. من المعجنات للبيض مع السالمون حب لآخر لقمة، كل شي دافي ومريح. الجو عام فيه إحساس البيت بس بشكل أنيق.

لازم تجرب: بيض رويال لأنه من أقوى الأطباق عندهم بالبرنش.

لا ميرابيل دايمًا يعطيك إحساس الكافيه هادي واللطيف، كأن البرنش عندهم قعدة راحة صغيرة وسط زحمة عمّان.
المكان محبوب من زمان وما زال محافظ على سحره، البرنش عندهم فيه معجنات زبدية، أكلات كلاسيك بتشهي، وأجواء دافية تخليك تقعد و تطول بدون ما تحس.

لازم تجرب: فيردي حلومي

سالِت داخل فندق الفيرمونت بيعطي البرنش طابع راقي وغني. التقديم مرتب، والنكهات مدروسة، وكل طبق فيه إحساس فخامة واضح بدون مبالغة.

لازم تجرب: خبز البوراتا الخاص لأنه تجربة مختلفة فعلاً.

شمسـة بيعطي جو اجتماعي حيوي، كأنه لمّة كبيرة حوالين أكل حلو. القعدة فيه دافية ومليانة طاقة إيجابية.

لازم تجرب: كفتة مع الطحينة لأنها من الأطباق اللي ما بتغيب عن الذاكرة.

غايا برنش أنيق وهادئ بنفس الوقت. كل شي فيه مرتب، من التقديم للنكهات، وبيعطي إحساس راحة مع لمسة فخمة.

لازم تجرب: بيض بندكت لأنه كلاسيك بس متقن عندهم.

مطعم الدارة بيقدم برنش حلو ومرتب، كل شي فيه بنعمل بعناية من التقديم للأجواء الهادية والناعمة.
المينو مختار بعناية، مش عشوائي، أكله مناسب لجلسات طويلة وحكي خفيف، خصوصًا إذا بتحب البرنش يكون رايق ومعه لمسة زكاوة.

لازم تجرب: قدسية

قعدة مفتوحة مع هواء خفيف ومحطة طبخ مباشر بتخلي التجربة ممتعة. المكان مناسب لبرنش طويل بدون ضغط وقت.

لازم تجرب: الاومليت الفريش بتنطبخ قدامكم خيار دايمًا بيفوز.

مكان هادي وأنيق، القعدة فيه مريحة خصوصا الموجودة برا. مناسب لبرنش بطيء فيه قعدة طويلة وقهوة ورا قهوة بدون استعجال.

لازم تجرب: أومليت الخضار لأنه بسيط بس بطعم غني.

برنش متأخر، نكهات قوية، وجو بسيط ومريح. المكان مثالي إذا بدك أكل يرضي المزاج بدون تعقيد.

لازم تجرب: شكشوكة لأنها أساس المكان وروحه.

مكان فيه إحساس مقاهي باريس، هادي، ناعم، وكل التفاصيل فيه مرتبة. بتحس حالك قاعد بمشهد فيلم وانت عم تفطر.

لازم تجرب: فرنش توست لأنه ببساطة مزاج حلو كامل.

هون البرنش ما إله وقت. سواء بدك فطور متأخر أو أكل الصبح بنص الليل، المكان بفهمك.

لازم تجرب: سلطة تشابتر ٩ لأنها خفيفة ومناسبة لأي مزاج.

مكان مضمون ومريح، مناسب للجروبات لأنه كل واحد بيلاقي إله خيار. الجو فيه بسيط وكاجوال بدون تكلف.

لازم تجرب: سانتا فيه دجاج لأنه خيار متوازن ومحبوب عند الكل

---

برنش سعيد يا تيبسترز! 🥐☕

حبّ اللّيمور،

فريق تيب ن تاغ