رمضان يعني جمعة العيلة، سوالف الأصحاب، والأهم؟ إفطار يشفي الغليل بعد يوم صيام طويل. ودايمًا بيجي السؤال الأزلي: وين نفطر اليوم؟ نفس المطاعم كل سنة؟ خلص، غير جو! عمّان مليانة مطاعم إفطار بتقدم تجارب إفطار بتاخدك برحلة من بيروت لطوكيو، ومن روما لعمان نفسها. سواء نفسك بمشاوي بتدوب بالتم أو سوشي فاخر، هون جمعنالك أفضل مطاعم إفطار اللي بتخلّي إفطارك مش بس وجبة، لا تجربة بتستاهل الحكي عنها!
نوع المطبخ: اللبناني
إذا بدك تفطر وكأنك قاعد بقصر شرقي، إم شريف هو الوجهة المثالية من بين مطاعم افطار. من الديكور الفخم لحد الصحون اللي بتنزل عالطاولة وكأنها لوحات، كل شي بهاد المطعم بيحكي قصة بيروت الأنيقة. بس السر الحقيقي؟ الكبّة السماقيّة! طبق مش موجود بأي مطعم بسهولة، مزيج من الحموضة واللحمة الطريّة اللي بتدوب بالتم، تجربة ما بتنتسى. غير هيك، السفرة كلها عامرة بالمشاوي، الفتة، والتبولة اللي معمولة صح. إذا ناوي تعيش تجربة لبنانية فاخرة بأدق تفاصيلها، إحجز طاولتك من هلا في واحد من أفضل مطاعم افطار!
نوع المطبخ: عربي
فيه مطاعم افطار شرقية، وفيه جبران! المطعم اللي الأكل فيه مش بس نكهات، هو حكايات من المطبخ العربي الأصيل. المشاوي محضّرة بإتقان، والمقبلات غنية، وكل طبق فيه لمسة خاصة بتخليك ترجع مرة ومرتين. القعدة هادية، والأجواء دافئة، وكأنك ببيت عربي قديم عامر بالكرم والطعم الصح. جبران هو الخيار المثالي لافطار مميز مع العيلة والأصحاب.
نوع المطبخ: الإيطالي
إذا بدك تكسر الروتين وتفطر على الطريقة الإيطالية، بالميتو هو خيارك من بين أفضل مطاعم افطار. بيتزا مخبوزة عالحطب، باستا فريش معمولة بإتقان، وجوّ دافئ وأنيق يخليك تحس إنك بقلب روما. وإذا بدك تختمها بشي يليق برمضان، التيراميسو رح يكون مسك الختام!
نوع المطبخ: المطبخ العالمي
خمسة أصناف، نكهات عالمية، ومستوى غير عن الكل! سولت بفيرمونت مش بس مطعم، هو تجربة فخمة من أول لقمة لآخر رشّة ملح! إذا بدك مطاعم افطار مميزة، سولت هو الخيار الأمثل. لحمة مطبوخة بالملي، صوصات بتكمّل الطعم، وأجواء تحسسك إنك بفيلم خيال علمي. إذا ناوي تفطر بستايل راقي، سولت هو العنوان بدون نقاش!
نوع المطبخ: اللبناني
إذا بدك إفطار بنَفَس الزمن الجميل بس بستايل عصري، نور هو العنوان. هاد مطعم إفطار مميز بأجواء كأنك ببيت شامي عريق. الأكل اللبناني مع لمسة إبداعية، والموسيقى تعطيك جوّ رايق مع كل لقمة. لمّة حلوة، أطباق من القلب، وبوفيه إفطار غني يعيّشك رمضان بنكهة تانية! هاد من مطاعم الإفطار الي مش لازم تتفوت هاد لشهر! إذا كنت تدور على أفضل مطاعم إفطار، نور هو الخيار المثالي.
نوع المطبخ: الآسيوي
مش مجرد مطعم، تجربة! من أول ما تدخل ديكور بيطير العقل، شيفات بيطبخوا قدامك بحركات بتخليك لازم تصور قبل ما تاكل، ونكهات بتاخدك برحلة من اليابان للصين. السوشي يا لطيف، والباو بانز ولا أزكى! جو رايق وأكل خرافي. حجزت ولا لسه؟
نوع المطبخ: الياباني
مش أي سوشي… سوشي كرش بيعرف كيف يعلقك! لفائف مليانة نكهات، صوصات بتاخدك لعالم تاني ، ونودلز بتخليك تخلص الصحن بدون ما تحس. القعدة حلوة، والأكل مش طبيعي الزكاوة! إذا نفسك بسوشي صح، وقف تدوير على مطاعم للافطار – ما إلك إلا هون.
نوع المطبخ: المطبخ الياباني
هون مش مجرد سوشي… هون تجربة يابانية كاملة! إيكورا بياخدك بجولة من النكهات اليابانية الأصلية، من السوشي الملفوف بإتقان، للتيمبورا اللي بتقرمش بالتمام، لعرض التيبانياكي اللي يخليك حابس أنفاسك. القعدة حلوة، والطعم؟ ولا غلطة!
نوع المطبخ: اللبناني
رمضان ما بيكمل بدون سفرة عامرة، وكرم بيروت بيعرف كيف يعبي الطاولة بأطيب الأكلات اللبنانية! من الحمص الكريمي، للتبولة اللي تفتح النفس، للمشاوي اللي تدوب بأول لقمة. الجو دافئ، والخدمة تحسسك إنك بين أهلك. إذا بدك إفطار من القلب وللقلب، هاد هو العنوان، لانه المطاعم اشي وكرم بيروت اشي تاني تماما!
نوع المطبخ: الآسيوي
ليه تفطر عالسريع لما فيك تدلّع حالك؟ في ساكورا، كل لقمة قصة، وكل طبق رحلة. سوشي بأعلى جودة، نودلز بتغرق بالنكهات، وترياكي يذوب بالتم. الجو رايق، الخدمة ولا غلطة، والتجربة؟ مش عادية أبدًا.
نوع المطبخ: الشامي
مين قال المشاوي ورمضان ما بجتمعوا؟ كبابجي جابلك الإفطار عالطريقة الصح في أفضل مطاعم افطار. كباب بيذوب، شيش يشهّي، وفتة تغمسها براحتك لحد ما تحس الدنيا بخير. القعدة دافية، الريحة لحالها بتعيّد عليك، والخدمة؟ كأنك معزوم عند أهل الكرم في مطاعم افطار مميزة. أما العطش؟ بنحلّها بعدين!
نوع المطبخ: الياباني
إذا نفسك بسوشي يوزن الذهب، هاشي هو المكان! لفات معمولة بإتقان، نكهات تضرب عالوجع، وأجواء بتخليك تعيش التجربة على أصولها. خفيف، لذيذ، وما بتمل منه!
نوع المطبخ: المطبخ العالمي
أكل إيطالي على أصوله؟ بلا لف ودوران، روميرو هو المكان! من أوّل ما تدخل، ريحة الصوص والخبز الطازة لحالها بتفتح النفس. الباستا معمولة بنفس، والبيتزا بتقرمش بالقوام الصح. جو دافئ، خدمة بتعرف شو بتعمل، وكل لقمة بتحكي قصة نكهات عمرها سنين. جرّبه، ورح تحس حالك بتدلع حالك كل مرة!
نوع المطبخ: شرق أوسطي
إذا ناوي تفطر بفخامة أهل البلد، مطاعم افطار مثل جبري هي الوجهة! منسف بخليك تسطل، ومقلوبة بتخلّيك تسكت من اللقمة الأولى. صواني مليانة كرم ونَفَس أردني أصيل. الأكل دايماً سخن، اللحمة بتدوب، والجو؟ كأنك معزوم عند الحجة يوم الجمعة! لا تفوت فرصة زيارة مطاعم افطار في الأردن، لأن التجربة بتكون فريدة ولذيذة.
Recent Comments