لما تبدأ الشمس تنزل وتولّع اضوية عمّان بصير بدك محلات مطلة، و ما في أريح من قعدة بروف أو تراس فيه فيو. إذا بدك كوكتيل عند الغروب، مود روقان، أو سهرة تحت السما، هاي الأماكن مخلوقة للقعدة الصح. جبنالكم أحلی المحلات لتقعدوا فيها، تشربوا إشي خفيف او ترقصوا الليل كله.

أوقات الدوام: يوميًا من ٦:٠٠ المسا لحد ٢:٠٠ الفجر | بنهاية الأسبوع من ٦:٠٠ المسا لحد ٣:٠٠ الفجر

في غروبات بستحقوا جمهور، ونسيم واحد منهم. بإطلالة بتكشف عمّان من فوق، وموقعه داخل فندق فيرمونت، المكان بجمع بين المشروبات المميزة، الشيشة، وأطباق مستوحاة من المطبخ المتوسطي. ومع الفعاليات اللي بتصير بنهاية الأسبوع، فكرة إنك تروح بكير بتصير صعبة.

أوقات الدوام: يوميًا من ٩:٠٠ الصبح لحد ١:٠٠ بعد نص الليل

إذا كاميرا موبايلك هي اللي بتقرر وين تطلع، غالبًا رح تختار هاي جاردن. بين الأشجار، الإضاءات، والإطلالة الحلوة، المكان مناسب للبرنش، الغدا، أو عشا بيطول أكثر مما كنت مخطط.

أوقات الدوام: يوميًا من ١٢:٠٠ الظهر لحد ١٢:٠٠ بعد نص الليل

لودوس بخليك تحس إنك طلعت من عمّان بدون ما تغادرها. روفتوب بأجواء حيوية، أكل طيب، ومشروبات منعشة، سواء كنت طالع على عشا أو سهرة مع الصحاب. ومن الأماكن اللي غالبًا رح تسمع فيها: “لازم نرجع هون”.

أوقات الدوام: يوميًا من ١:٠٠ الظهر لحد ١١:٣٠ بالليل

ذا لوفت بجمع بين الروفتوب والحديقة بأجواء هادية وأنيقة. ورود، مشروبات مميزة، موسيقى حلوة، وقعدات مريحة بتخليه مناسب لموعد، أو قعدة طويلة مع الأصحاب.

أوقات الدوام: من ١٠:٠٠ المسا لحد ٢:٠٠ الفجر | ومن ١:٠٠ الظهر لحد ١:٣٠ بعد نص الليل

إذا سهرتك المثالية فيها منظر المدينة، موسيقى، وقعدة بتخليك تنسى الوقت، يو روف بيعرف كيف يزبطها. المكان واسع، أجواؤه حيوية، ومناسب سواء كنت محتفل بمناسبة أو بس بدك تغيّر جو.

أوقات الدوام: يوميًا من ٤:٠٠ العصر لحد ١:٠٠ الفجر

في أماكن بتحكيلك ارتاح… ونكست روفتوب بفرضها عليك. جلسات مريحة، موسيقى، وإطلالة على المدينة بتخلي كل الطاولات مبسوطة كأنها أحسن سهرة بالمدينة.

أوقات الدوام: يوميًا من ٨:٠٠ الصبح لحد ١٢:٠٠ بعد نص الليل

إذا بدك سهرة فيها لمسة فخامة، كريستال لاونج خيار ممتاز. التراس الأنيق، المشروبات، الأطباق الخفيفة، والخدمة الراقية بيخلوا أي زيارة تحسها مناسبة خاصة.

أوقات الدوام: يوميًا من ٨:٠٠ الصبح لحد ١:٠٠ الفجر

بلو فيغ هو الجواب المعتاد على سؤال: “وين نطلع؟”. تراسه من سنين بجمع الناس على الموسيقى، الأكل، والمشروبات، بأجواء مريحة بتناسب أي وقت من اليوم.

أوقات الدوام: يوميًا من ٥:٠٠ المسا لحد ١٢:٠٠ بعد نص الليل

غايا من الأماكن اللي بتروح عليها على أساس قهوة، وبتلاقي حالك كملت عشا. التراس واسع، مرتب، وأجواؤه هادية، وبتخليك تنسى الوقت بسهولة.

أوقات الدوام: يوميًا من ٨:٠٠ الصبح لحد ١١:٣٠ بالليل

كرمز عنده قدرة غريبة يقنعك تضل بعد الحلو… وبعدها كمان شوي. مع الإضاءات الدافية والتراس الهادئ، بصير المكان مثالي للقعدات الطويلة، المشاركة بالأطباق، والسهر مع الناس اللي صارلك فترة بتحاول ترتب موعد معهم.

أوقات الدوام: من ٦:٠٠ المسا لحد ١:٣٠ الفجر | مغلق يوم الأحد

في روفتوبات بتعتمد على الإطلالة، وماجورا بضيف عليها مشروبات مميزة وأجواء أنيقة. من الكوكتيلات والموكتيلات المبتكرة، حتى الخيارات الخالية من السكر والمحضرة بمكونات عضوية محلية، المكان بيثبت إن المشروب الحلو مش لازم يكون تقليدي.

---

انبسطوا بالويكند يا تيبسترز!

حبّ اللّيمور،

فريق تيب ن تاغ