الصبح بعمّان مش بس قهوة و”بدي أفيق عالشغل” – الصبح هون جوّ لحاله. سواء إنت من النوع اللي بلحق الشروق، أو اللي ما تحكي معو قبل ما يشرب قهوته، أو جاي كرمال المناقيش بس، مشهد الفطور بعمّان مليان أماكن بتفهم الصبح صح. من أسطح خضراء لزوايا هادية، لأكلات تقيلة وناسها، جمعنالك 20 محل فطور بخلّوك تصحى عن جد. البجاما عادي، بس الجوع ضروري.
روف جاردن مزروع خضار، ورايق، وإطلالة بتكسر الإنستغرام. المكان حوالينك خُضار، الشمس بتتسلل بين الورق، والميوزك بتطبطب عالصبح.
جربوا: المناقيش الطازة والمقبلات الشامية.
كلاسيك عمّاني. كافيه دافي، ترّاس مزاج، وريحة قهوة بتصحصح.
جربوا: منقوشة بيستو وحلوم، رهيبة.
كافيه سريع وشيك. بتفوت، بتطلب، بتطلع – كله ستايل على هدوء.
جربوا: ساندويشة الفطور.
شمس طالعة، ديكور دافي، وفطور مريح للنفس. بسيط بس مش عادي.
جربوا: فول توستادوز وبانكيك البيكان والكراميل.
ويكند مود أكتيفيتد. أكلات رايقة وقهوة بتجي عَ الوقت الصح.
جربوا: الإنجليش بريكفاست.
زاوية مخفية بلوَيْبدة، بس ريحة التوست الفرنسي فيها بتحكي لحالها.
جربوا: التوست الفرنسي مع الفواكه الموسمية.
للي بحبوا يبدأوا يومهم على مهله. جو دافي، ضو ناعم، وراحة بال.
جربوا: بيض مسلوق عالأفوكادو عخبز ساوردو.
ما بدو تعريف. فلافل عمّان من الآخر.
جربوا: كعك فلافل، مع حمص طبعاً.
ريحة خضار، وسفرة عامرة. فطور بطابع بلدي رايق.
جربوا: بيض وكشكوان فخّارة.
قعدة وسط مظلات ملونة وريحة بطاطا مقلية. فطور بطابع شعبي أنيق.
جربوا: مفركة بطاطا.
لبنان جوا عبدون. ديكور عصري ولمسة تراثية.
جربوا: بيض مع سجق.
صخب، صوت، حياة – وساندويش فلافل محشي يخوّف.
جربوا: الفلافل المحشية، ومعاهم حمص عالسايد.
الفرن الفرنسي اللي نزل ععمّان. ريحة خبز، ومناقيش من عالم ثاني.
جربوا: منقوشة جبنة نابلسية وزعتر.
فطور مش طبيعي. مكس نكهات وسندويشات بتخليك تقول “إيش هاد؟!”.
جربوا: بيض وبيكون رول.
زاوية محشية ببيغل سخن، ناس فايقة، وقعدة دافية.
جربوا: البيغل بنديكت.
همبرغر مع بيض؟ عادي جداً! الصبح هون مش طبيعي.
جربوا: ساني بوب.
محل ناسي حاله بين الحارات، بس ريحته بتغلب أي جي بي إس.
جربوا: كروسان ديك رومي.
صباحات ملونة، منيو بيرفع المعنويات، وناس رايقة.
جربوا: بيغل دجاج مع ميبل.
صباحك مكسيكي؟ ليش لأ! قعدة فريش وأجواء بتصحصحك.
جربوا: بول الفطور المكسيكي.
ريحة سكر وبن مع ديكور بيحكي: “خدلك بريك”.
جربوا: البانكيك.
وصلت لهون؟ يلا قوم افطر!
بمحبة،
Recent Comments