عمّان مشهورة بازدحامها، بس هل يعني ما نوقف نشتري قهوتنا؟ أكيد لأ. من هون، بتبلش رحلة لأزكی القهوات من غير ما تنزل من السيارة. جمعنا لكم أبرز الأماكن اللي بتخلّي مشوارك أطيب وأسرع.

 الستايل العصري والطعم القوي يخليك ترجع كل مرة. من أول ما توقف، الطاقم بكون جاهز وبسرعة بتاخد قهوتك و انتا مبسوط.

لازم تجربوا: السبانيش لاتيه البارد، كل مرة بشهي

العميد اسم غني عن التعريف، وجودة قهوة ما بتتغير. ولأنهم سهلوا الموضوع بدرايف ثرو، صارت الوقفة عندهم أسرع.

لازم تجربوا: القهوة التركية مع رولات قرفة بالبيكان؟ كلاسيك ما بتغير

 تصميم بسيط وراقي، وقهوة ناعمة بطعمها. مثالي لمشوار الصبح قبل الدوام.

لازم تجربوا: جربوا الفلات وايت، متوازن ولذيذ

تراسيمينو نكهات إيطالية بس بأجواء عمانية… من الشباك! الكابتشينو عندهم بيحكي لحاله.

لازم تجربوا: خذوا مع القهوة قطعة تيراميسو، موود

 محل بيفرجيك إنه البيت مش بس مكان… هو طعم وراحة، حتى وإنت عالطريق.

لازم تجربوا: جربوا القهوة المثلجة مع نكهة البندق، منعشة

بن معروف محمصة عريقة بطعم أصيل، وهلأ بتقدم القهوة من السيارة. طازجة، وساخنة، وعلى السريع.

لازم تجربوا: اسأل عن خلطة اليوم، مرات في مفاجآت محرزة

---

من فنجاننا لفنجانكم يا تيبسترز!

حبّ اللّيمور،

فريق تيب ن تاغ