صايم أو مش صايم، كلنا بعد الأكل بنشتهي إشي حلو. ولحسن الحظ، عمّان مليانة أماكن حلويات بتزبط المزاج. إحنا أخدنا المهمة و جمعنالكم لست بأزكى حلويات بالمدينة…. 🍰🌙

المكان المفضل تبع الجميع بعمّان، معروف بأجوائه الدافئة والحلويات اللي بتجي بالوقت الصح. المنيو عندهم مليان خيارات مثل قطايف الجبنة والجوز وأم علي — أشياء بتحسها زي حضن حلو بعد يوم صيام طويل.

لازم تجربوا: القطايف — مقرمشة، حلوة، وإدمان من أول لقمة.

واحد من أحلى الأماكن بعمّان للحلو بعد الإفطار. أجواء مريحة وحلويات شكلها قد طعمها. هالرمضان المنيو تبعهم فيه بقلاوة، تشيزكيك كريمي، قطايف عصافيري، كيكات رمضانية، وأشياء كثير… مثالي للمشاركة (أو للأكل لحالك برضو عادي 😌).

لازم تجربوا: بقلاوة سميدية — مقرمشة، مليانة مكسرات، وسكرها مزبوط.

من اشهر حلويات بعمّان، خصوصًا برمضان لما الكل يحن للحلويات الكلاسيك. هالسنة منيو رمضان فيه كيكات بأسماء لطيفة، أورينتال باسك، حلاوة الجبن، قطايف، كوكي بانز، وكثير اشياء زاكية. حرفيًا في إشي لكل شخص.

لازم تجربوا: أورينتال باسك — تشيزكيك باسك بالفستق محاط بطبقة كنافة ذهبية… يَييم!

إذا نفسك بإشي دافي، حلو، خفيف بعد الإفطار، جيرارد جاهز. السحلب عندهم ناعم وكريمي وعليه قرفة وفستق،
والشوكولاته الساخنة مع المارشميلو كمان قصة تانية.

لازم تجربوا: السحلب — دافي، سكروا مزبوط، وكل اللي بدك إياه بعد يوم صيام.

معروف بحلوياته الإبداعية اللي بتجمع بين الكلاسيك واللمسة العصرية. برمضان بيطلعوا تشكيلة زاكية زي عيش السرايا، ترايفل مهلبية، بقلاوة، وتشيز كيك مخبوزة بتعطي بعطو جرعة السكر الي مستنيها طول اليوم.

لازم تجربوا: كعك العيد — هش و طري بنفس الوقت و ريحته بتفتح النفس.

بعرفوا كيف يخلوا الحلو ممتع خصوصًا بعد الإفطار. التيراميسو الرمضاني عندهم يجي بعلبة ثيم رمضان — كريمي بطعم القهوة ومثالي للسهرات آخر الليل. والأحلى؟ بتقدر تبدل علبتك القديمة بواحدة مليانة تيراميسو.

لازم تجربوا: تيراميسو — غني وكريمي وبعلبة رمضانية شكلها كيوت.

بخلي الحلو بعد الإفطار لمغامرة نكهات. هالرمضان عندهم مهلبية بنكهات مختلفة، كيكات ثيمد، بقلاوة، حلاوة الجبن، تشيزكيك، بسبوسة وأكثر. تشكيلة بتخلي أي سهرة أحلى بكتير.

لازم تجربوا: هوت بان الشوكلاته البيضة — سايحة وحلاوتها دمار خصوصًا مع الجماعة.

إذا بدك الحلو يكون مميز شوي، ذا كيك بيكر هو المكان المناسب. منيو رمضان عندهم ملعب نكهات: أم علي، عيش السرايا، بقلاوة، ترايفلز، بوظة عربية، وتشيز كيك. كل لقمة بتحسها احتفال رمضاني مصغر.

لازم تجرب: تشيز كيك الكنافة — كريمية، بتشهي و توازنها مثالي.

لما معدتك تقول: خلصنا إفطار… هات الحلو، نومرز بيجاوب. عندهم مولتن كيك، براونيز مع آيس كريم، كوكي بانز، أم علي، سينامون رولز وأكثر. المكان حرفيًا جنة حلويات صغيرة.

لازم تجربوا: السمورز — سايحة،  كلها شوكولاتة، ومقرمشة.

إذا خطتك بعد الإفطار إشي بارد وكريمي وشوي اكسترا، فور ونترز هو المكان. هالرمضان عندهم سيريل كرنش، تشوكلت فلاف ، وفانيلا موكا — كيكات خاصة فوقها السيريالز المفضلة تبعتكم. غني، غير ومثالي لسهرات رمضان مع الأصحاب.

لازم تجرب: سيريل كرنش — ديسيرت مليان نكهات وممتع لليالي رمضان.

---

خلّوها حلوة… السعرات ما بتنحسب برمضان يا تيبسترز! 🌙🍰

حب الليمور

فريق تيب اند تاج