عمّان ما بتهدأ، خصوصاً لما يكون الموضوع بخصّ الأكل، القهوة، ورووف توب بإطلالات تخليك تنسى حتى فواتيرك، هاي قائمة ما الجديد في ٢٠٢٥. حابب أرجيلة مع مناظر بتهبل، ماتشا منعشة و سموزيز فواكه، أو يوم كامل مع العيلة والأكل؟ جمعنالكم أجدد وأحلى الأماكن بالمدينة. أرخي الحزام شوي وتعال نغوص بالذوق.

جوهرة مخفية بعمان، لا تراس هو رووف توب على الطراز المتوسطي بيجمع أحلى نكهات المنطقة بمكان خلاب. مزيج من المطبخ المغربي، الإيطالي، والعربي، كل صحن فيه قصة طعم بتخليك تذوق العالم وانت بمكانك. خدلك أرجيلة، رشّف موكتيل أو عصير فريش، ولعشاق الكافيين في قهوة بتطرب. تجربة عشاء فوق المدينة… وما بتتنسّى.

مكان تواجده: خلدا، شارع الملك عبد الله الثاني

بلوندي بصويفية فيليج بقدّم أكل طوال اليوم بأناقة، وبوازن بين الوجبات الدسمة والصحية. وجود البار الرياضي، التراس الفخم، والعروض الحية بخليه مثالي للفطور المتأخر، الغداء، أو الجلسة مع الأصحاب.

مكان تواجده: صويفية فيليج

وين القهوة الصح؟ أكيد عند وير كوفي هاوس. من القهوة المثلجة الكريمية لماتشا و سموذيز فواكه منعشين، كل شفة رح تحسسك بالانتعاش. الجلسات المريحة والديكور الملفت رح يخلوك تنسى الوقت وتقضي أحلى ليلة مع صحابك.

مكان تواجده: بجانب سيتي مول، شارع الملك عبدالله الثاني

قريب المطار، قرية حجرة فيه كل شي—مطاعم، كافيهات، أسواق، وقوارب! المكان المناسب لتقضي يوم كامل مع العيلة (وممكن لشوية شوبينغ). أحدث وجهة للمرح والراحة بعمان!

مكان تواجده: جنب مطار الملكة علياء الدولي

دابوق فيلج عبارة عن مول مفتوح مناسب كتير للعائلات ولطلعات مع الأصحاب. أكل بيفتح النفس، شوية شوبينغ، ومكان اللعاب للأطفال—ايش في أحلى من هيك؟

مكان تواجده: شارع المواصفات والمقاييس، دابوق

كوري أصيل وعضوي ١٠٠٪—مستر تشو بيجيب نكهات كورية حقيقية لعمان. كل وجبة فريش من المزرعة للطاولة، بطعم ببين بكل لقمة. أجواء دافية ومرحبّة، وأكل رح يطيّر لك عقلك ويحسّسك أنك في كوريا الجنوبية.

مكان تواجده: عبدون

بقلب عمّان، عطلة نهاية الأسبوع رسميًا بتبدأ ببكسلز. موسيقى عالية، حلبة مليانة، ومزيج من الدي جيز بحافظوا على الطاقة لفترة طويلة. المكان المثالي للّي نفسهم يقضوا العطلة غناء ورقص.

مكان تواجده: الدوار الرابع

عشاق الماتشا، هذا مكانكم. ذا ماتشا كلوب جدي بالموضوع—من تيراميسو أوجي ماتشا للكوكيز واللاتيه الكريمي، كل شي عندهم رح يحوّل أي مشكك لعاشق. من التصميم الجميل والدعم لمرضى التصلب اللويحي والسرطان، استمتعوا بدون ذنب.

مكان تواجده: عبدون الشمالي

عنده عنوان بعمان وهو “مجتمع الرقص المتجدد”. كل خميس وجمعة، دي جيز وفنانين برفعوا الطاقة لأقصى حد، والجو كله حركة، ضحك، وذكريات ما بتنتسى. بتحب الموسيقى؟ بتحب الرقص؟ كلستر مكانك.

مكان تواجده: زارا إكسبو

قهوة، خضار بجنن، ورفقة حلوة—شو بدك أكتر؟ حديقة مجتمع بن العميد بشميساني من احلى المحلات الي على قائمة ما الجديد هاد الخريف. بيقدم مشروبات القهوة المميزة بمكان خارجي واسع، مع منطقة لعب للأطفال، ملعب بادل، ودرايف-ثرو للي بده قهوة بسرعة. راحة المجتمع في كوب.

مكان تواجده: الشميساني

فتح وقت إغلاقات ٢٠٢٠ وكانوا يقدموا وجبات برغر بنكهات فخمة، رايز برغر رجع وبأفضل نسخة. برغر عصري، جبنة سايحة، وبطاطا مقرمشة مباشرة لعندك. دليل إنه البرجر الجيد عمره ما بيطلع من الموضة.

مكان تواجده: توصيل فقط (مطعم سحابي)

فريش، منعش، ومن الطبيعة مباشرة—نواة هو دفعتك اليومية الجديدة. من العصائر الباردة للشوتس الصحية، كل شفة بتحسسك بالانتعاش. لأي حدا بدو دفعة طبيعية من أول شفة، نواة المكان المناسب.

مكان تواجده: صويفية

---

من الأكل والمشروبات للمناظر…كلهم بستّنوا فيكم يا تِبسترز!

مع حب الليمور،

فريق تيب إن تاج