السحور مش بس وجبة، السحور هو القرار المصيري اللي بيحدد إذا رح تصحى مرتاح ولا رح تندم لأنك “عبيت معدتك مي” وقلت “عادي”. بدل ما تروح تنام جوعان أو تكتفي بلبنة وخيار، جمعنالك أقوى أماكن السحور بعمّان، سواء كان مزاجك قعدة فخمة، مكان دافئ يشبه قعدة بيت تيتا، أو سحور على السريع قبل ما يأذن الفجر.

إذا بدك تعيش السحور بستايل ملكي، إم شريف هو العنوان. بتدخل، بتشم ريحة الأكل اللبناني الأصيل، بتسمع موسيقى شرقية، وبتحس كأنك بفيلم من أيام الزمن الجميل. كل لقمة بتوخذك برحلة، من الفتوش اللي مقرمشاته ولا أزكى، للحمص الناعم، للفتة اللي بتذوب قبل ما تبلعها. السحور هون مش بس أكل، السحور هون تجربة، وصدقني بعده رح تروح على البيت وانت حاسس حالك أمير زمانه.

جبران مش مجرد مطعم، جبران هو المكان اللي بتفوت عليه وبتحس كأنك ببيت خالتك اللي بتعمل أزكى الأكلات. مشاوي؟ موجودة. فتة بتشهي؟ أكيد. جبنة مشوية بتذوب على طرف الصحن؟ طبعًا! المكان رايق، القعدة مريحة، والخدمة بتخليك تحس إنك واح من أهل البيت. إذا مزاجك سحور تقليدي دسم بطعم أصيل، جبران خيارك الأول.

ناوي تسحر وأنت طالع بإطلالة بتاخذ العقل؟ شمساء روف توب هو المكان. بتوصل، بتشوف أضواء عمان، بتسمع موسيقى ناعمة، وبتبدأ تجرب ألذ أكل شرقي ومتوسطي. المناقيش عندهم قصة لحالها، واللبنة بالعسل بتخليك تعيد الطلب مرتين. إذا بدك سحور غير شكل مع صحبة حلوة، ما تفكر مرتين.

إذا بتحب القعدات الهادية بعيد عن دوشة عمان، هاي جاردن روف توب هو المكان. الديكور أخضر ومريح، المكان فيه هيبة، والأكل مزيج بين الشرقي والعالمي. البيض باللحمة، الفلافل المقرمشة، والخبز الطازة بيخلّوا السحور تجربة ما بتنتسى. المكان مناسب إذا بدك سحور موزون ومش تقيل، وبدك تصحى الصبح مرتاح مش ندمان.

مش كل حدا بحب السحور الدسم، وإذا كنت من هدول الناس، BLK هو مكانك. قهوة مختصة، لاتيه بنكهة الهيل أو البندق، وكرواسون يذوب بالفم. المكان صغير والجو العام فيه بيحسسك إنك قاعد بكافيه بباريس بس بأجواء عمانية. إذا بدك سحور خفيف وسريع مع قهوة تصحصحك، BLK لازم يكون على لستتك.

هالمكان هو الأردن بحد ذاته. ديكور بسيط، أجواء دافئة، وأكلات محلية بتخلّيك تحس إنك ببيت الجدة. المنسف الصغير، المسخن، حتى الحمص والفول، كله معمول بطريقة تخليك تاكل وانت مغمض. إذا نفسك بسحور يعبي قلبك قبل معدتك، قصة بلد هو المكان.

إذا نفسك تعيش تجربة سحور مصري حقيقية، ما إلك إلا هنا القاهرة. فول مصري تقيل ومزبوط، طعمية بتقرمش بطريقة خرافية، وكبدة إسكندراني خرافية. وأنت قاعد، عم تسمع أم كلثوم وعبد الحليم، وبتحس كأنك بأحد مقاهي القاهرة الشعبية. المكان جوه بحد ذاته، والسحور فيه بيخليك تحس إنك عامل زيارة سريعة لمصر.

إذا كنت جائع وعارف أنك بدك برغر محترم، “بام برغر” هو خيارك. اللحم طازج، الصوصات مميزة، وكل برغر هو متعة حقيقية. ما في مجال للكلام، بس في مجال للذوق!

“لوف كاو” هو مكانك إذا كنت بتحب البرغر الجيد. إذا كان البرغر هو عشقك، هنا تلقى كل ما تتمنى وأكثر. من النكهات إلى الحجم، كل شي يجيك تمام!

“شيكانو” هو مكانك إذا كنت تعشق الدجاج المقلي مع لمسة خاصة. من الساندويشات الطيبة إلى قطع الدجاج المقرمشة، “شيكانو” يضمن لك تجربة لا تُنسى.

هالمكان مش مطعم، هالمكان كأنه قعدة بالبيت. الكراسي مريحة، الشيشة موجودة، والأكل شرقي ومتنوّع. سواء بدك فطور، عشاء، أو سحور، المكان جوه العام بيخلّيك تسترخي وتحس إنك ببيت واحد من رفقاتك. مناسب لجلسة شبابية بعد التراويح، وسحور بلا تكلف.

إذا كنت من محبي الأكل الإيطالي، “كليوس” هو المكان. أطباقه الإيطالية الأصيلة لا تعلى عليها، مع الخدمة الرائعة والأجواء الإيطالية الجميلة. مكان راقي ولذيذ لكل محبي المطبخ الإيطالي.

مش دايمًا في وقت لقعدة طويلة، وإذا كنت مستعجل وبدك إشي سريع، بيجل أو’ز هو الحل. بيجل طري، محشي جبنة أو بيض أو سالمون، وقهوة محترمة تصحصحك قبل أذان الفجر. المكان سريع، نظيف، والأكل فيه موزون، وما بتحس حالك فاقع بعده.

إذا كنت بدك قطعة بيتزا كبيرة وكبيرة فعلاً، “بيغ سلايس” هو المكان. سواء كانت قطعة واحدة أو بيتزا كاملة، رح تلاقي خيارات كثير متنوعة، والذوق؟ مش معقول!

إذا السحور بالنسبة إلك عبارة عن خبزة طازجة وكاسة شاي، فورون ريكس رح يكون جنتك. الكرواسون، البريوش، خبز الساوردو، كله معمول بإيد خبازين محترفين، وكل قطعة بتنطق بالجودة. حتى لو مش ناوي تسحر، فوت خد لك شي من عندهم وخليه لليوم الثاني، لأنه مستحيل تندم.

من لبنان إلى عمان، “كبابجي” هو المكان اللي رح يغير مفهومك عن الكباب. تجربة فريدة مع أطباق مشاوي مميزة وأجواء حميمية تخليك تحس أنك في بيتك. لو بتحب الأكل الشرقي الأصلي، لازم تزوره.

“دابل بي” هو مطعم إيطالي يقدم لك البيتزا والباستا بأفضل نكهة ممكنة. سواء كنت بتحب البيتزا الكلاسيكية أو ترغب في تجربة جديدة، هنا بتحصل على كل اللي نفسك فيه.

إذا كنت بتحب البرغر، ما في مكان أفضل من “باوندَر”. مع طعام فخم وذوق متقن، المطعم هذا على رأس قائمة أفضل أماكن البرغر في عمان.

“بيتزا نينا” هو المكان اللي رح يخليك تحب البيتزا السيسيليان. مع نكهات قوية وعجينة ممتازة، كل قطعة هي متعة خاصة.

إذا كنت بتحب الأكل السريع والطازج، “فويل فود ترك” هو الحل. بيرغرات شهية وشيكولاتة باردة، كل شي يقدم على الطريق يعني طعم رائع وسريع.

---

رمضان كريم!

Lemur Love,
The Tip n’ Tag Team