انك تلاقي شريك حياة رومانسي لحاله إنجاز، فكيف لما بدك مكان رومانسي يخلي القلوب تدق والمود يضبط؟ عشان هيك، فريق “تبب ن تاغ” رجع ينقذ الموقف كالعادة وقدم لك قائمة ذهبية بـ20 مكان مثالي لسهرة رومانسية. أما موضوع الشريك، بصراحة، هاد عليك انت! 😉

نكهات متوسطية، ليالي مشتعلة، ولمسة فنية… هالمكان مش بس بيخلي براعم التذوق تنبسط، حتى شريكك رح ينبهر! تخيلها .كأول موعد غرامي، بس بدون الحكي المحرج، وبنكهات بتفجّر حواسك

الصبح برانش، بالليل كوكتيلات… المكان المثالي للناس اللي بيحبوا التعددية! جوا حديقة نباتية ساحرة، مكان مثالي ترتاح، تتذوق، وتعيش الجو. لا تنسى الصورة للإنستا!

من البرانش للمقبلات، جايا عندهم كل شي ممكن يخطر عبالك. المكان المثالي للطلعة الي بتبدا بجملة “شو رأيك نروح نشرب شي؟” اللي بتتحول لساعات من الكلام والضحك. بونس: الكوكتيلات فيها ابتكار قد مهاراتك بالغزل.

ويلو هو المكان المثالي لسهرة رومانسية—حدائق خضراء، إضاءة خافتة، وجو كله سحر. جربوا الكوكتيلات، شاركوا وجبة بتشهي، وخلو الأجواء تكمل الباقي

دافي، راقي، وجوّه بيرحب فيك كأنك ببيت فخم. مثالي للانطباع الأول بدون أي مجهود، زي سويترك المفضل بس مع قهوة خرافية ولمسة أناقة.

إذا كانت لغة الحب عندك “ستيك”، فهالمكان هو توأم روحك! قطع لحم خرافية، مطبخ مفتوح، وقائمة مشروبات أطول من تاريخك العاطفي.

سهرة رومانسية بين البامبو والسوشي؟ ولا  أحلى من هيك! تصميم أنيق، نكهات يابانية أصلية، ولمسة من الغموض… اسم المكان يعني “القمر” بالياباني، فتوقع تكون مسحور بهالأجواء!

راقي، فني، وفيه الجرعة المناسبة من الـ “جروفي”، رح تحس حالك مليونير بدون ما تتعب! كوكتيل مميز، موسيقى لايف، والأجواء بتتكفل بالمغازلة عنك.

!توابل حارّة وحب مولّع! نكهات تايلاندية قوية، وأجواء حماسية، المكان المثالي لإضافة شوية اثارة لليلتك

.بيتزا إيطالية أصيلة بالأردن؟ حب بالكربوهيدرات! نصيحة: مشاركة البيتزا مش بس عشا، هو اختبار للعلاقة

أجواء تراتوريا إيطالية دافئة، ومذاقات كلاسيكية. طبق باستا مشترك، أجواء حميمة، وكاسة … شو ما بدكم، المهم يكون خبز الثوم على الطاولة!

البار المفضل من 2005، فيه الأجواء المريحة مع لمسة كول. المكان المثالي للضحك، السهر، ويمكن حتى سرقة بوسة تحت الأضواء الخافتة.

.جولة للهند بدون مغادرة عمان! أطباق تقليدية ونكهات قوية رح تنقلك لعالم التوابل والرومانسية… بدون جواز سفر

 رفاهية خمس نجوم وضيافة أردنية أصيلة. عشا رومانسي على ضوء الشموع؟ مساج  ثنائي؟ أو ليلة مبيت فخمة؟ عروض عيد الحب عندهم بتعطي للحب معاملة الـ في اي بي. وحتى في حفلة خاصة لعزيز مرقة!

!بين جبال ،هدوء مطلق، الرومانسية هون بدون أي مشتتات… إلا بعضكم البعض

منتجع خمس نجوم مستوحى من حدائق بابل المعلقة. البحر الميت، عشاء فخم، وكوكتيلات بتنساب الحب

.شاليهات أنيقة وإطلالات مش طبيعية على البحر الميت. مثالية للأزواج اللي بدهم يطفوا التلفونات ويغرقوا باللحظة

رومانسية مستدامة وسط محمية ضانا. لا واي فاي، لا إزعاج، بس شموع، سما مليانة نجوم، وكلام عميق. الحب والحفاظ على الكوكب بنفس الوقت؟ عصفورين بحجر!

.تجربة وادي رم بكل راحة! دوم فضائي أنيق، شاي على النار، وسماء بتلمع بالنجوم كأنها عم تغازلكم

.أفضل نادي شاطئي بالعقبة! سواء عشا فاخر أو سهرة رقص، ماما جايا تعرف كيف تخلي الحب متجدد

 طلّة عطول على البحر الأحمر، أطباق متوسطية بتشهي، ولاجون خاصة… إذا هاي مش الرومانسية، فشو هي الرومانسية؟

---

حبوا بعض!

،حب الليمور

Tip n’ Tag فريق