كل سنة بنعيد نفس القصة… “وين بدنا ناكل؟!” وبتبلش طوشة الاقتراحات بين اللي بدهم مشاوي، واللي نفسهم يجربوا شي جديد، واللي بدهم بس مكان فيه قعدة مرتبة وجو حلو. عشان نريحك من وجع الراس، جمعنالك قائمة بأحلى أماكن عمّان اللي بتناسب كل الأذواق والمزاجات، من الفطور للعشا، ومن القعدات الهادية للسهرات الحماسية!

إذا عيلتك من النوع اللي بيطلب كل شي وبيشاركوه، جبران فاهم اللعبة. معروف بالمشاوي العربية الكلاسيكية والمزة الكتيرة والسخية، الطاولة بتتعبى بسرعة — حمص، متبل، فتوش، ولحوم مشوية مظبوط. المكان حيوي، مضمون، ومثالي لتجمعات العيد الكبيرة اللي ما حدا بده يتنازل.

لعيلة بتحب أجواء دافيه شوي وفخمة، كرمز خيار آمن. أطباق عالمية مريحة مع لمسة أنيقة — باستا، ساندويشات، وحلويات محبوبه. ممتاز إذا غداء العيد ممكن يتحول لقعدة طويلة على القهوة والحلويات.

شمسة بتضيف لمسة عصرية على النكهات التقليدية، ممتاز إذا بدك شي مألوف بس شوي مختلف. المنيو بيجرب أطباق شامية بطريقة مبتكرة، والمكان نفسه منعش ومرحّب. وسط مناسب لعيلة بتحب تجرب جديد بدون ما تبعد كتير عن المألوف.

إذا بدك تغير الجو بالعيد، غايا هي الهروب الخيالي الي محتاجو. منيو لذيذ، أكل طازة، سلطات ملونة، وأطباق مرتبة بطريقة جميلة. ممتاز لغداء عائلي دافي ومريح.

بلو فيج من الأماكن اللي الكل متفق عليها بالعيلة. المنيو فيه كل شي — سلطات، أطباق رئيسية، أكلات مريحة — يعني لكل ذوق شي. سواء بالداخل أو على التراس، المكان هادي ومرتاح، ممتاز لغداء عيد بسيط أو جلسة طويلة وحكي.

مايورا بتعطي تجربة معاصرة أكتر، المنيو مختار بعناية والمكان أنيق بدون تكلف. خيار ممتاز إذا عيلتك بتحب أكل جيد بمكان حديث — مكان تستمتعوا فيه بغداء عيد هادئ ومركز.

للعزومات اللبنانية الصح، كرم بيروت ما بخيب الظن. كل الكلاسيكيات مظبوطة — مزة طازة، لحوم مشوية، ونكهات أصيلة ومريحة. من الأماكن اللي بتعرف شو بدك وتطلع راضي.

اختيار ممتع إذا العيلة بدها شي مختلف تمامًا. المنيو أكل آسيوي من جميع اشكالو، سوشي، رولز وأطباق ساخنة للمشاركة. خيار ممتع يغير روتين الغداء المعتاد. أجواء حديثة وحيوية شوي.

باتشي ممتاز إذا العيلة بدها تريح من أكل العيد التقليدي. بيركز على أكلات إيطالية مريحة، خصوصًا بيتزا نابوليتانا وباستا غنية. الجو هادي وبسيط، ممتاز للجلسات العائلية الهادية. غالبًا بتطلب أكتر من المخطط وما بتندم.

كبّاجي كله عن نكهات قوية ومدخنة وحصص سخية. من كباب حلبي لأطباق جانبية مليانة، خيار ممتاز لعيلة بدها وجبة بتشهي ومشبعة. سريع، مضمون، ودائمًا بيضبط الاوردر — خصوصًا بعد ميمعة العيد الطويلة.

كلاسيكي لغداء العيد. معروف بتجربة لبنانية فخمة، ومنيو واسع يغطي المزة والاطباق المشوية. المكان كبير و شرح وأنيق ومثالي للتجمعات الكبيرة.

يبقي الأمور بسيطة بطريقة ممتازة. معروف بالسندويشات اللبنانية، المشاوي والوجبات السريعة المناسبة لغداء عيد كتكوت. الأكل مضمون ولذيذ، ممتاز للمجموعات اللي ما بدها شي تقيل أو رسمي.

نسمة بيعطي جو هادئ ومعاصر مع منيو بيمزج النكهات المألوفة مع لمسة حديثة. خيار جيد إذا بدك شي أخف ومختلف شوي عن أماكن العيد المعتادة. الجو هادي ومرحّب، ممتاز للجلسات العائلية الصغيرة. توازن حلو بين البسيط والأنيق.

سولت خيار ممتاز لغداء العيد إذا بدك غداء عيد فاخر. التركيز على لحوم نوعية، مطبوخة بطريقة مظبوطة ومقدمة بأناقة. أكتر على الجانب الثقيل، وممتاز للغداء العائلي الكامل. مناسب إذا بدكم شي فاخر ومشبّع.

عيد مبارك يا تيبسترز!

حب الليمور،

فريق تيب أند تاج