وادي رم مش بس صحراء، هو تجربة كاملة. من رماله الحمراء للنجوم اللي بتغطي سماه. وعشان تعيشوا هالتجربة على أصولها، جمعنا لكم قائمة بأفضل المخيمات هناك: من البيئي للبوتيكي، ومن الببلز الفضائية للخيم البدوية الاصيلة.

مخيم قمرة البيئي تجربة بدوية نقية، ببيوت طين، شموع، وسكون ما بتلاقيه إلا بقمرة. المكان بيحافظ على البيئة وبيعطيك شعور بالسلام الداخلي وسط الطبيعة.

نصيحة: لا تفوّتوا جلسة الغروب عندهم، لحظة هدوء ما بتتكرر.

مخيم بيت علي بيجمع بين نجوم الصحراء وقصص السكان البدو. بيت علي هو مزيج بين الأصالة والاستجمام. وفيه مسبح حلو كتير بيزيد التجربة انتعاش .

نصيحة: اسبحوا الصبح بكير، وبعدين افطروا بالمكان اللي ريحته بتفوح زعتر وشاي.

يو أف أو لوكسوتل وادي رم بتحس حالك كأنك نازل بكبسولة فضائية… بس بنص وادي رم. تصميمه غريب وفخم بنفس الوقت، ومثالي للى بدوروا على تجربة استثنائية.

نصيحة: اربط ساعتك، واصحى قبل الشمس لتشوف مناظر ما بتتفوّت.

ببل لوكسوتل وادي رم فقاعات شفافة بتخليك تنام تحت السما وتشوف النجوم كأنك عايش بفيلم خيالي. تجربة رومانسية ومليانة رفاهية وسط الصحراء.

نصيحة: اطلبوا وجبة العشاء الصحراوية عندهم،  فخمة وعالأصول.

مخيم واحة رم فيو أنواع متعددة من الغرف الفخمة و تقليدية لترضي زوقك. راحة مبهرة بالخدمة والموقع. عنجد واحة اسم علی مسمی.

نصيحة: جرّبوا ركوب الجمل وقت الغروب، مع كثبان الرمال بلونها البرتقالي.

مخيم صن سيتي من أشهر وأكبر المخيمات في وادي رم، بيجمع بين الفخامة والبساطة، ومناسب للعائلات والمجموعات. تصميم أنيق وخدمة محترفة.

نصيحة: لا تفوّتوا حفلتهم البدوية اللي بتصير بالليل، طرب ونار.

مخيم ميموريز عائشة بحسسك كأنك داخل قصة ألف ليلة وليلة، من الديكور للموقع. تصميمه فخم وساحر زي الافلام.

نصيحة: احجزوا جلسة تحت القمر، مع قهوة على الحطب وسكون الليل

مخيم مزاين رم أجواء بدوية ودفا في كل زاوية. موقعه قريب من أبرز المعالم الصحراوية، ومريح جدًا للتنقّل.

نصيحة: اسألوا عن الجولة الصباحية بسيارات الدفع الرباعي، متعة ما بتنوصف.

مخيم رم تحت النجوم تجربة اسم على مسمى. نوم بالخيم أو بالهواء الطلق تحت نجوم الي ما بتشوفها بالمدينة. مثالي لمحبي الطبيعة و الفضاء.

نصيحة: ناموا برا إذا الجو بيسمح، التجربة ما بتنتسى.

مخيم حسن زوايدة من المخيمات القديمة والمعروفة، فيو ضيافة بدوية أصيلة وأكل طيب، وبحسّسك كإنك بين أهلك.

نصيحة: احكوا مع أبو علي، صاحب المكان — قصصه عن رم لحالها مغامرة.

---

✨🏛️!خليكم فضوليين يا تيبسترز

حبّ اللّيمور،

فريق تيب ن تاغ