في ناس بتلحق الغروب، وناس بتلحق الكوكتيلات… بالأردن بتقدر (والمفروض) تلحق الإثنين مع بعض. من روفات هواها عليل لطلات عالبحر، هدول الأماكن الغروب فيها بيصير هو الحدث الأساسي. خُدلك مشروب، لقيلك فيو، وخلي الشمس تكمّل الشغل.

الاسم بيوضّح كل إشي. هون الغروب مشهد لحاله. الجو، صحبة حلوة، ومنيو بتفتح النفس. المكان المثالي للي بحب يستمتع بالغروب.

الموقع: دابوق

الغروب هون كأنه عرض مسرحي من الطبيعة. لمبات خفيفة، أكلات أنيقة، والسما لحالها لوحة. هون بتطوّل القعدة غصب عنك.

الموقع: فندق كونروي البوتيكي، أم أذينة

الغروب فوق بلو فيج عمّان دهبي. موسيقى هادية وجو مريح. المكان اللي بتقعد فيه بتاكل وبتشرب  وبتخلي الغروب يخطف كل الأضواء.

الموقع: عبدون

هون الغروب بيجي مع شوية سحر. قاعدين بين الشجر والضو عم يرقص، بتحس الوقت بطيء شوي… أحلى بطء.

الموقع: الدوار الرابع

الغروب هون ما إلو نهاية. السما بتتغيّر ألوانها كلوحة عم تنرسم قدامك، والجو سهل وبسيط. المكان اللي اليوم فيه هم  بدوب بالليل بدون أي هم.

الموقع: فندق الفيرمونت، الدوار الخامس

الاسم لحاله خيالي. الغروب بطل مجرد خلفية، صار الجو نفسه. مشروبك، السما، والضو… كلهم بنفس الإيقاع.

الموقع: فندق سينترو، طريق المطار

عالعلالي! هون الغروب مع نسمة هوا باردة وفيو بيجنّن. بتحس حالك فعليا فوق الدنيا.

الموقع: فندق السانت ريجيس، الدوار الخامس

أيقونة عمّانية. فيو رهيب + أجواء الزمن الجميل. بتشوف الأسطح تتحوّل دهبي وأنت ماسك المنيو كأنه كتاب.

الموقع: جبل عّمّان

قهوة صغيرة بتجيبك، الغروب بخليك تضل لحد ما يطلّعوا النجوم.

الموقع: اللويبدة

الاسم بحكي الحقيقة. نفس الفيو من سنين ولسه بيسوى. اطلب أي إشي بسيط وقعد تفرّج عالمدينة وهي عم تودّع النهار.

الموقع: جبل عمّان

لو الغروب ايفينت اجتماعي، كان ديستركت رح يكون هو المضيف. ستايلش، حيوي ، وجوّه يخلّي الساعة الذهبية حفلة.

الموقع: جبل عمّان

الغروب هون غير. فوق تاريخ عمّان، بتاخد غروب ملفوف بقصص قرون. المشهد لحاله رواية.

الموقع: جبل القلعة

الاسم بكفي. كل كرسي هون هو الكرسي المثالي. غروب بين السما والبحر كأنه عرض لايف.

الموقع: البحر الميت

الغروب هون فيه رفاهية. كراسي مريحة، خفيفة، والأفق اللي ما بزهق. أول ما يختفي الضوء بتستقبل أول نجمة.

الموقع: فندق الهيلتون، شميساني

اسمه بيحكي: نيكست روف توب. لما يدق وقت الغروب، هذا هو المكان الي لازم تروح عليه. فيو مفتوح وجوّ يخليك تنسى الوقت.

الموقع: الدوار الرابع

---

يلا تيبسترز… خلّونا نلحق الشمس!

حبّ اللّيمور،

فريق تيب ن تاغ