الشتا رسميًا بلّش — وما في إشي (عنجد ولا إشي) بزبط قد صحن شوربة سخن لما نسمة عمّان تقرر تلسع. سواء نفسك شوربة كريمية, مرقة دافية، أو حرّ يفيّقك من أول ملعقة، هاي الأماكن بتقدّم أسخن صحون ديسمبر… حرفيًا.

مسكوا الملعقة يا تيبسترز، موسم الشوربة بلّش! 🥄🥘

خفيفة، طازة، ولسّه بتدفّي. الشوربات هون مثالية إذا بدك دفى الشتا بدون ثِقَل بعد الأكل. مكوّنات نضيفة، خضار ملوّنة، وحرارة هادية.

لازم تجرّبوا: شوربة القرع بجوز الهند

نصيحة: اطلبوها مع توست الحبوب الكاملة — الطعم بزبطها.

خفيفة، مشرقة، ومهدّية بنفس الوقت. شوربات سيد بتعطي راحة الشتا بدون ثِقَل، مليانة مكوّنات طازة ونضيفة، وكل ملعقة بتدفّيك من جوّا وتخلّي التوازن حاضر.

لازم تجرّبوا: شوربة الكوسا والريحان

نصيحة: رشّة بذور بتضيف نكهة وقوام أحلى.

تشاودر السي فود تبع ويلو؟ نجم الموسم. فاخر، مشبع، وصعب توقف عنده. صحن بيدفّي لدرجة إنك بتتمنّاه معك طول الشتا. توازن مثالي بين النكهة والراحة.

لازم تجرّبوا: سي فود تشاودر

نصيحة: كلوها معها خبز ثوم مقرمش — قرمشة بتكمّل المتعة.

لو لاكتئاب الشتا علاج، فهو أزكى شوربات آسياتيك. ملونة, معطّرة، ومليانة نكهة بتودّيك مباشرة على جنوب شرق آسيا. هاي مش شوربة تشربها… هاي تلتزم فيها.

لازم تجرّبوا: شوربة توم خا غاي

نصيحة: مع عصرة ليمون بالآخر — بتزبط الطعم بشكل رهيب.

دايمة حكو: “شو لو طبخ تيتا… بس بستايل مطعم شيك؟” ونجحوا! شوربات بطعم البيت والنوستالجيا، وإحساس إنو في حدا خبّى لك صحن.

لازم تجرّبوا: شوربة الذرة

نصيحة: جربوها مع خبز الصاج الطري — غماس للآخر.

راحة دافية بنكهة غنيّة، كريميّة، ومشبعة لآخر درجة. خيار مثالي لما بدك إشي يدفّيك ويغذّيك ويطلع زاكي بشكل غير منطقي.

لازم تجرّبوا: شوربة الدال

نصيحة: زيدوا ليمون + رشّة فلفل حار = حياة جديدة للدال.

لا كابيتال جايبة أزكى خيالات شتا فرنسي. مطعم دافي، إضاءة ناعمة، وصحن غني بتحس لازم تاكله وإنت لابس شال.

لازم تجرّبوا: البصل الفرنسي

تيب: اكسروا الجبنة وهي لسه بتغلي — هون الكمال.

بول هو الأساس بفايب الكافيهات الدافية، وشورباته؟ مستوى عالي. بسيطة، مشبعة، ودايمًا معها خبز بتحلف إنك ما رح تخلصه… وبترجع تخلصه. شتا بول له إحساس ثاني.

لازم تجرّبوا: شوربة البصل التقليدية

نصيحة: خلّي الخبز يشرب من المرق دقيقة — الطعم بيصير أسطوري.

قبل ما يوصل السوشي، أزكى شوربة بتوصل. صحون دافية، متوازنة، ومليانة أومامي يخليك تدمن شوربات اليابان.

لازم تجرّبوا: شوربة توم يم

نصيحة: خدوها قبل السوشي — بتجهّز الحاسة تمام.

كلاسيك لسبب. شوربات بسيطة، تقليدية، ومشبعة من القلب. لما بدك دفى بدون تفكير كثير، هذا المكان.

لازم تجرّبوا: شوربة الحار والحامض

نصيحة: اطلب زيت فلفل جنبها إذا بدك الحرارة تزيد.

بدك دفى؟ تندوري أوفن جاهز يولّع روحك (بطريقة حلوة). شوربات حارة، معطّرة، وكأنها بطانية تقيلة… بس للأكل.

لازم تجرّبوا: شوربة مرج دانييا
تيب: جيبوا خبز نان بالثوم جنبها — الغماس عالم ثاني.

تذكير يا تيبسترز: ضلّوا دافيين وكلوا من القلب 💛

حب الليمور،

فريق تيب اند تاج 🐒💛