خلونا نكون صريحين: الصيف قرّب يخلص، بس الجو بعمّان لسا مش جو كنزات. وحتى لما يخف الشوب، بيضل الواحد مشتهي إشي بارد وزاكي. عشان هيك جمعنا لكم أطيب آيس كريم، ألذ الميلك شيكس، وأكثر أنواع السموذيز المنعشة اللي لااازم تجربوها — لأنه الحلويات الباردة مش بس للصيف، هاي أسلوب عيش طول السنة!

  أون آيس بفوتك على عالم النكهات، لا عنجد، كل لقمة عبارة عن مغامرة. من الحلقوم الوردي، للكراميل المملح المقرمش، لآيس كريم قهوة العميد بالهيل، كل سكوب بخبّي مفاجأة جديدة.  نكهات فريدة و مش متعود عليها بس فعلاً طيبة جداً.

لازم تجربوا: القهوة بالهيل

فور وينترز بيعمل سحر بالنيتروجين السائل وبيجمّد المكونات قدامك. كل لقمة من الآيس كريم بتاخدك رحلة لعالم تاني. ونكهاتهم الموسمية دايمًا بتخلي التجربة ممتعة ومليانة مفاجآت، سكوب ورا سكوب!

لازم تجربوا: عجينة الكوكي

من دمشق سنة ١٨٨٥، وبكداش لليوم محافظ عالبوظة العربية الأصيلة. مطّاطة وكريمية ومع الفستق الحلبي المكسر… كل .لقمة فيها طعم بيرجعك لأيام زمان. أصل ما بزول، وجيل ورا جيل بحبّه

لازم تجربوا: البوظة العربية

تحذير لكل عشّاق الحلو: مع شوجرهوليك، الميلك شيك اللي بيجيك كريمي وتقيل وحلاوته بتجنّن..فعلاً طعمه ما بتقدر توصفه من قد ما هو طيّب. انتبهوا!!

لازم تجربوا: ميلك شيك نوتيلا

الشيكات تبعون باوندر تقيلة، زاكية، ومصممة لتشبع شَهوِتك – من الكلاسيكيات اللي ما بتخيب، للنَكهات الجريئة. نصيحة: غمّس بطاطا سخنة ومالحة بالشيك… المكس الحلو مع المالح رح يطير عقلك!

لازم تجربوا: ميلك شيك سولتد كراميل برتزل

شيكات تيجي برغر ناعمة وكريمية وحلاوتها بتجنن، بتشبع من غير ما تِغَلّ. كل شفة رح تخليك بدك ترجع تشرب كمان.

لازم تجربوا: ميلك شيك فراولة

السموذيز اللي بعملوهم تربل سفن بحسّسوك أنك مسافر على جزر استوائية من أول شفة. من المنجا، لباشن فروت، للفراولة واللايم، نكهات منعشة وطيبة كتير!

لازم تجربوا: سموذي البحر الاحمر

السموذيز عند ذا فيت بار مو سموذيز عاديين. – ذا ويرك آوت (The Workout) مليان توت وموز بيعطيك طاقة بتضل معك طول اليوم، ذا بوتاسيوم (The Potassium) مزيج الموز والكاكاو الكريمي، وذا تشاي لاتيه (The Chai Latte) اللي فيه البهارات المتنوعة مع الحليب الكريمي.

لازم تجربوا: سموذي التشاي لاتيه

سموذيز سيد منعشين وطعمهم من الآخر، كل شفة رحلة منعشة وطعم ما بنتسى، والصحي صار أطيب من أي وقت!

لازم تجربوا: سموذي ليموناضة التنين

.مع ويلو، السموذي الصحي بيصير إشي بتستمتع فيه—من نكهات استوائية، لفوائد طبيعية، لمزيج كريمي زاكي

لازم تجربوا: سموذي استوائي منعش

---

اشربوا، تذوّقوا، خودوا سكوب — وكرّروها يوميًا يا تيبسترز!

حبّ اللّيمور،

فريق تيب ن تاغ