يلا درايف ثرو ؟ عمّان مشهورة بازدحامها، بس هل يعني ما نوقف نشتري قهوتنا؟ أكيد لأ. من هون، بتبلش رحلة لأزكی القهوات من غير ما تنزل من السيارة. جمعنا لكم أبرز الأماكن اللي بتخلّي مشوارك أطيب وأسرع.

 الستايل العصري والطعم القوي يخليك ترجع كل مرة. من أول ما توقف، الطاقم بكون جاهز وبسرعة بتاخد قهوتك و انتا مبسوط. كل رشفة تذكرك ليش دايمًا بتختارهم، طعم ثابت وخدمة سريعة على طول.

لازم تجربوا: السبانيش لاتيه البارد، كل مرة بشهي

العميد اسم غني عن التعريف، وجودة قهوة ما بتتغير. ولأنهم سهلوا الموضوع بدرايف ثرو، صارت الوقفة عندهم أسرع. بس الطعم؟ بعده نفسه… كلاسيكي، أصيل، وما بيتبدّل

لازم تجربوا: القهوة التركية مع رولات قرفة بالبيكان؟ كلاسيك ما بتغير

 تصميم بسيط وراقي، وقهوة ناعمة بطعمها. مثالي لمشوار الصبح قبل الدوام. هيك بداية يوم بتخليك تدخل الدوام وأنت رايق ومبسوط، وكأنك خدت جرعة طاقة على مزاجك.

لازم تجربوا: جربوا الفلات وايت، متوازن ولذيذ

تراسيمينو نكهات إيطالية بس بأجواء عمانية… بس درايف ثرو! الكابتشينو عندهم بيحكي لحاله. كل كوب بيحملك برحلة قصيرة لإيطاليا، بدون ما تطلع من سيارتك.

لازم تجربوا: خذوا مع القهوة قطعة تيراميسو، موود

 محل بيفرجيك إنه البيت مش بس مكان… هو طعم وراحة، حتى لو انو درايف ثرو. كل زيارة إلها طابع خاص، وكأنك رجعت لزاوية مريحة تعرفها من زمان.

لازم تجربوا: جربوا القهوة المثلجة مع نكهة البندق، منعشة

بن معروف محمصة عريقة بطعم أصيل، وهلأ بتقدم القهوة من السيارة. طازجة، وساخنة، وعلى السريع. وين ما كنت، ريحة القهوة من بن معروف بتدلّك على طريق المزاج الصح.

لازم تجربوا: اسأل عن خلطة اليوم، مرات في مفاجآت محرزة

---

من فنجاننا لفنجانكم يا تيبسترز!

حبّ اللّيمور،

فريق تيب ن تاغ