أجواء الهوديز رسميًا بلّشت، وهاد يعني شغلة وحدة: ودّع كل شي مثلّج، وامسك كاسة دافية تدفيك من جوّا. سواء إنت من جماعة كل شي بنكهة البامكن أو جاي بس للفايب, نحنا دوّرنا عن امشروبات الخريف بعمّان عشان نوفرها عليك.

حضّر حالك ترشف الموسم رشفة رشفة ☕🍁

قهوة بلاك دايمًا حاضر بقوة مع القهوة الصح. الباريستات بيعرفوا يطلعوا إسبريسو بطعم خرافي والخريف جوّاته إلو إحساس ثاني مع الموود الأسود الأنيق.

لازم تجرّبوا: خرييييف

ألموند فيه دفى مألوف بتحسه من أول ما تفوت. مشرق، حلو ومليان طاقة رايقة بتحس كل زيارة إلها إعادة تشغيل. سواء كاسة سريعة أو قعدة مع اللابتوب، هون الراحة هي الأساس.

لازم تجرّبوا: سبانيش لاتيه

نكهات جريئة، طاقة قهوة عالية، ومن غير لف ودوران. المكان هذا بحترم البن والقهوة القوية — حتى مشروب الخريف فيه بيضل وفيّ للإسبريسو.

لازم تجرّبوا: براون شوقر لاتيه

ترسيمينو فايبه ترابي ودافي وبسيط، مثالي لرشفات الخريف. مشروباته مباشرة بس عميقة — بلا دراما، بس قهوة مزبوطة.

لازم تجرّب: هيزيلنت كابتشينو

ميلانج عمره ما بخيّب، نكهات محسوبة ومصنوعة بحب، مش بس مخلوطة. المكان المناسب للي بحبوا مشروبات خريف ناعمة، زاكية وبتطلع حلوة بالصور.

لازم تجرّب: سينامون لاتيه

تعريف الدلع الدافي: دونات سخنة، إضاءة ناعمة، وحلاوة نوستالجيا بتشمّها من الباب. المكان هذا حبيب الخريف بلا منازع، رواق عالآخر.

لازم تجرّبوا: هوت شوكليت

لون يعني قمر و هناك بتحس بهدوء مع ستايل رايق. كبير و هادي. مكان الكاسة الدافية فيه بتحسّسَك بصبحية رايقة حتى لو مستعجل.

لازم تجرّبوا : براون شوقر كابتشينو

ميل بيعرف يلعبها ببساطة صح — ألوان دافية، نكهات عسلية، وجو كأنه غروب الشمس بكاسة.

لازم تجرّبوا: هني لاتيه

بيت بجيب ثقافة الدفى العمّانية للحياة. ألوان ترابية، زوايا مريحة، وفايب نوستالجيا بلمسة عصرية، مثالي لرشفات الخريف.

لازم تجرّبوا: هيل لاتيه

كافيه كلاسيك بروح قديمة حلوة، ألوان دافية، قهوة تقليدية، وجو حكي رايق. هون نكهات الخريف بتلتقي مع الذوق الإيطالي.

لازم تجرّبوا: تشاي لاتيه

---

🍁 خريف سعيد يا تيبسترز 🍁

حب الليمور,
فريق تيب اند تاج  🐒💛